കുന്നംകുളം: സംസ്ഥാന സ്‌കൂള്‍ കായികോത്സവത്തില്‍ സബ് ജൂനിയര്‍ പെണ്‍കുട്ടികളുടെ ലോങ്ജംപില്‍ പാലക്കാടിന്റെ ശിവരഞ്ജിനി ചാടിയെടുത്തത് പൊന്ന്. കൊപ്പം ജിവിഎച്ച്എസ്എസിലെ എട്ടാം ക്ലാസ്സ് വിദ്യാര്‍ത്ഥിനിയായ ശിവരഞ്ജിനി 4.79 മീറ്റര്‍ ദൂരത്തേക്ക് ചാടിയാണ് പൊന്നണിഞ്ഞത്. ദേശീയ മീറ്റിനു പോകാന്‍ തയാറെടുത്ത് നില്‍ക്കുന്ന ശിവരഞ്ജിനി സംസ്ഥാന അമച്വര്‍ മീറ്റിലും സ്വര്‍ണ്ണമണിഞ്ഞിരുന്നു.
കൊപ്പം മധുരിയില്‍ ശിവദാസന്റെയുംസിനിയുടെയും മകളാണ്. ജില്ലാ കായിക മേളയില്‍ കനത്ത മഴയെ അവഗണിച്ചു 4.83 മീറ്റര്‍ ചാടിയിരുന്നു. പാലക്കാട് മുതലമട എച്ച്എച്ച്എസിലെ കാവ്യ കൃഷ്ണനും മലപ്പുറം കടുകശേരി ഐഡിയല്‍ സ്‌കൂളിലെ ആന്‍ ആഷ്ലി വെങ്കലവും കരസ്ഥമാക്കി.
പ്രതികരിക്കാൻ ഇവിടെ എഴുതുക: