കുന്നംകുളം: സീനിയര്‍ പെണ്‍കുട്ടികളുടെ 400 മീറ്ററില്‍ പാലക്കാട് പറളി എച്ച്എസിലെ എം. ജ്യോതിക 55.89 സെക്കന്‍ഡില്‍ പൊന്നണിഞ്ഞു. എഎംഎച്ച്എസ്എസ് പൂവമ്പായി കോഴിക്കോടിന്റെ ശാരിക സുനില്‍കുമാര്‍ വെള്ളിയും സായി തിരുവനന്തപുരത്തിന്റെ സാന്ദ്രമോള്‍ സാബു വെങ്കലവും നേടി.
ജൂനിയര്‍ ആണ്‍കുട്ടികളുടെ വിഭാഗത്തില്‍ പാലാ സെന്റ് തോമസ് എച്ച്എസ്എസിലെ മുഹമ്മദ് സാലിഹ് 50.53 സെക്കന്‍ഡില്‍ സ്വര്‍ണവും ജി.വി. രാജ സ്പോര്‍ട്സ് സ്‌കൂളിലെ മുഹമ്മദ് അഷ്ഫഖ് വെള്ളിയും പാലക്കാട് മാത്തൂര്‍ സിഎഫ്ഡിവിഎച്ച്എസ്്എസിലെ അഭിജി്ത്ത് വെങ്കലവും നേടി. ജൂനിയര്‍ പെണ്‍കുട്ടികളുടെ വിഭാഗത്തില്‍ സായി കൊല്ലത്തിന്റെ കസ്തൂര്‍ബ പി. പ്രസാദ് 58.96 സെക്കന്‍ഡില്‍ സ്വര്‍ണവും ആലപ്പുഴ സെന്റ് ജോസഫ്സ് ജിഎച്ച്എസ്എസിലെ ആര്‍. ശ്രേയ 1 മിനിറ്റ്് 00.54 സെക്കന്‍ഡില്‍ വെള്ളിയും കോഴിക്കോട് ബാലുശ്ശേരി ജിജിഎച്ച്എസ്എസിലെ എലിസബത്ത് സിബി 1 മിനിറ്റ് 00.75 സെക്കന്‍ഡില്‍ വെങ്കലവും നേടി.
സബ് ജൂനിയര്‍ ആണ്‍-പെണ്‍ വിഭാഗത്തില്‍ പാലക്കാടിനാണ് സ്വര്‍ണം. ആണ്‍കുട്ടികളുടെ വിഭാഗത്തില്‍ കെഎച്ച്എസ് കുമരംപുത്തൂര്‍ സ്‌കൂളിലെ അര്‍സാദ് അലി 54.84 സെക്കന്‍ഡില്‍ സ്വര്‍ണവും പാലക്കാട് മുതലമട ജിഎച്ച്എസ്എസിലെ ആര്‍. അര്‍ജുന്‍ വെള്ളിയും ആലപ്പുഴ പുന്നപ്ര സെന്റ് ജോസഫ് എച്ച്എസിലെ ഫെബിന്‍ വെങ്കലവും നേടി. പെണ്‍കുട്ടികളില്‍ മണ്ണേങ്കോട് എയുപിഎസിലെ നിഖിത പി. ഒരു മിനിറ്റ് 02.52 സെക്കന്‍ഡില്‍ സ്വര്‍ണം നേടിയപ്പോള്‍ ഒരു മിനിറ്റ് 02.54 സെക്കന്‍ഡില്‍ മലപ്പുറം മൊറയൂര്‍ വിഎച്ച്എംഎസ്എസിലെ ഷന്‍സ. സി വെള്ളിയും കണ്ണൂര്‍ ജിവിഎച്ച്എസ്എസിലെ വൈഗ പ്രജീഷ് വെങ്കലവും നേടി.
പ്രതികരിക്കാൻ ഇവിടെ എഴുതുക: