കോട്ടയം: കോട്ടയം, ഇടുക്കി ജില്ലകള് കേന്ദ്രീകരിച്ചുള്ള രാജ്യവിരുദ്ധശക്തികളുടെ പ്രവര്ത്തനങ്ങള് പരിശോധിക്കണമെന്നും അടിയന്തര നടപടി സ്വീകരിക്കണമെന്നും ആവശ്യപ്പെട്ട് ബിജെപി മധ്യമേഖലാ അധ്യക്ഷന് എന്. ഹരി കേന്ദ്ര ആഭ്യന്തര മന്ത്രി അമിത് ഷായ്ക്ക് പരാതി നല്കി.
നിരോധിത ഭീകര സംഘടനകളുടെ നിരോധനത്തിന് മുന്പും ശേഷവും ഈരാറ്റുപേട്ട, ഇടുക്കി ഭാഗങ്ങള് കേന്ദ്രീകരിച്ച് രാജ്യദ്രോഹ പ്രവര്ത്തനങ്ങള് നടക്കുന്നുണ്ടെന്നതിന്റെ തെളിവാണ് കോട്ടയം ജില്ലാ പോലീസ് മേധാവിയുടെ റിപ്പോര്ട്ടെന്ന് പരാതിയില് പറയുന്നു.
സംസ്ഥാനം ഭരിക്കുന്ന ഇടതുമുന്നണിയും പ്രതിപക്ഷ പാര്ട്ടികളും മതമൗലികവാദികള്ക്ക് സംരക്ഷണമൊരുക്കുന്ന സമീപനമാണ് സ്വീകരിക്കുന്നത്. കോട്ടയം, ഇടുക്കി ജില്ലകളില് തീവ്രവാദ വിദുദ്ധ സേനയുടെ നിരീക്ഷണവും ഓഫീസും തുറക്കണമെന്നും അടിയന്തര ഇടപെടല് ഉണ്ടാകണമെന്നും തീവ്രവാദ കേസില് പെട്ടവര്ക്ക് ഇരുപതിലേറെ സ്ഥലങ്ങളില് സ്വീകരണം നല്കിയ രാജ്യത്തെ ഏക സ്ഥലം ഈരാറ്റുപേട്ടയാണെന്നും എന്. ഹരി പരാതിയില് പറയുന്നു.
