പനാജി: സന്തോഷ് ട്രോഫി ഗ്രൂപ്പ് ഘട്ടത്തിലെ അവസാന മത്സരത്തില്‍ കേരളം തോറ്റു. ഗോവയോട് മറുപടിയില്ലാത്ത ഒരു ഗോളിനാണ് പരാജയപ്പെട്ടത്.
ഗ്രൂപ്പുകളിലെ ഒന്നാം സ്ഥാനക്കാരോടൊപ്പം മികച്ച മൂന്ന് രണ്ടാം സ്ഥാനക്കാരും അടുത്ത റൗണ്ടിലേക്ക് കടക്കും. മെച്ചപ്പെട്ട ഗോള്‍ വ്യത്യാസമുളളതിനാല്‍ കേരളത്തിന് അടുത്ത റൗണ്ടിലേക്ക് എത്താന്‍ സഹായകമാകും. ഗോവയില്‍ ഇന്ന് നടന്ന മത്സരത്തില്‍ ആദ്യ പകുതി ഗോള്‍ രഹിതമായിരുന്നു.
രണ്ടാം പകുതിയില്‍ ഗോവ ലീഡ് നേടി. കേരളം ഗോള്‍ മടക്കാന്‍ കിണഞ്ഞ് ശ്രമിച്ചെങ്കിലും ഫലമുണ്ടായില്ല.
വിജയത്തോടെ 10 പോയിന്റുമായി ഗോവ ഗ്രൂപ്പില്‍ ഒന്നാം സ്ഥാനത്തെത്തി അടുത്ത റൗണ്ടില്‍ കടന്നു. കേരളം 9 പോയിന്റുമായി ഗ്രൂപ്പില്‍ രണ്ടാം സ്ഥാനത്താണ്.
പ്രതികരിക്കാൻ ഇവിടെ എഴുതുക: