ചെന്നൈ: ചെസ് താരം ആർ. പ്രജ്ഞാനന്ദയുമായി കൂടിക്കാഴ്ച നടത്തി ഐഎസ്ആർഒ ചെയർമാൻ എസ്.സോമനാഥ്. ജിഎസ്എൽവി റോക്കറ്റിന്റെ മാതൃക അദ്ദേഹം പ്രജ്ഞാനന്ദക്ക് ഉപഹാരമായി നൽകുകയും വരുന്ന മത്സരങ്ങളിൽ വിജയം ആശംസിക്കുകയും ചെയ്തു.
ചെസ്സില്‍ താന്‍ നേടിയ സമ്മാനങ്ങള്‍ പ്രജ്ഞാനന്ദ എസ്.സോമനാഥിന് കാണിച്ചു കൊടുത്തു. ഐഎസ്ആർഒ ശാസ്ത്രജ്ഞർക്കും ഗഗൻയാൻദൗത്യത്തിനും ആശംസകള്‍ നേരുന്നതായി പ്രജ്ഞാനന്ദ പറഞ്ഞു. ശ്രീഹരികോട്ട സന്ദർശിക്കുവാൻ സോമനാഥ് ക്ഷണിച്ചുവെന്നും ഐഎസ്ആർഒ നൽകിയ അംഗീകാരത്തിൽ അഭിമാനമുണ്ടെന്നും പ്രജ്ഞാനന്ദ പറഞ്ഞു.
പ്രഗ്യാൻ റോവർ ഉറങ്ങുകയാണെങ്കിലും ഇന്ത്യയുടെ അഭിമാനം ഉയർത്താൻ പ്രജ്ഞാനന്ദ സജീവമാകണമെന്നും അദ്ദേഹം പറഞ്ഞു. പ്രജ്ഞാനന്ദ നേടിയ വിജയത്തിൽ അഭിമാനമുണ്ടെന്നും, വൈകാതെ തന്നെ ലോകത്തിലെ ഒന്നാം നമ്പർ താരമായി മാറാൻ അദ്ദേഹത്തിന് സാധിക്കട്ടെ എന്നും സോമനാഥ് ആശംസിച്ചു.
ബഹിരാകാശത്തെക്കുറിച്ച് കൂടുതൽ ആളുകളിൽ അവബോധം സൃഷ്ടിക്കുന്നതിനായി പ്രജ്ഞാനന്ദ ഐഎസ്ആർഒയുമായി ചേർന്ന് പ്രവർത്തിക്കാൻ തീരുമാനിച്ചെന്നും സോമനാഥ് വ്യക്തമാക്കി.
പ്രതികരിക്കാൻ ഇവിടെ എഴുതുക