തൃശൂര്‍: പാലിയേക്കര ടോള്‍ പ്ലാസ ഓഫീസില്‍ ഇഡി (എന്‍ഫോഴ്‌സ്‌മെന്റ് ഡയറക്ടറേറ്റ്) റെയ്ഡ്. സാമ്പത്തിക ക്രമക്കേടുകളുമായി ബന്ധപ്പെട്ട് ഉയര്‍ന്ന പരാതികളുടെ അടിസ്ഥാനത്തിലാണ് പരിശോധന നടക്കുന്നത്. രാവിലെ പത്തിന് തുടങ്ങിയ പരിശോധന ഇപ്പോഴും തുടരുകയാണ്.
2016 മുതലുള്ള റോഡ് നിര്‍മാണവുമായി ബന്ധപ്പെട്ടും പരസ്യ ഇടപാടുകളിലും ക്രമക്കേടുകള്‍ നടന്നുവെന്നാണ് പരാതി ഉയര്‍ന്നിരിക്കുന്നത്. റെയ്ഡിനെക്കുറിച്ച് ടോള്‍ പ്ലാസ അധികൃതരോ ദേശീയ പാത അതോറിറ്റിയോ പ്രതികരിച്ചിട്ടില്ല. ഒരു കോടിയിലേറെ രൂപയുടെ അനധികൃത ഇടപാടുകൾ നടന്നുവെന്നാണ് പരാതി ഉയർന്നിരുന്നത്. ഇതിൽ സിബിഐ കേസും രജിസ്റ്റർ ചെയ്തിരുന്നു.
ഈ ഇടപാടുകളുടെ മറവിൽ കള്ളപ്പണ ഇടപാടുകൾ നടന്നിട്ടുണ്ടോയെന്ന് ഇഡി പരിശോധിക്കുന്നത്.
പ്രതികരിക്കാൻ ഇവിടെ എഴുതുക: