ന്യൂദല്‍ഹി: മുന്‍ രാഷ്‌ട്രപതിയും ശാസ്ത്രജ്ഞനുമായിരുന്ന ഡോ.എ.പി.ജെ. അബ്ദുള്‍ കലാമിന്റെ 92-ാം ജന്മദിനത്തില്‍ അദ്ദേഹത്തിന് ശ്രദ്ധാഞ്ജലി അര്‍പ്പിച്ച് രാഷ്‌ട്രം. വിദ്യാര്‍ത്ഥികള്‍ക്ക് ഏറെ പ്രിയപ്പെട്ട അധ്യാപകനായിരുന്ന അദ്ദേഹത്തിനോടുള്ള ബഹുമാനാര്‍ത്ഥം ജന്മദിവസം ലോക വിദ്യാര്‍ത്ഥി ദിനമായാണ് ആചരിക്കുന്നത്. രാഷ്ട്രപതി ഭവനില്‍ നടന്ന ചടങ്ങില്‍ രാഷ്ട്രപതി ദ്രൗപദി മുര്‍മു അബ്ദുള്‍ കലാമിന്റെ ചിത്രത്തില്‍ പുഷ്പാര്‍ച്ചന നടത്തി പ്രണാമം അര്‍പ്പിച്ചു.
രാഷ്‌ട്രനിര്‍മ്മാണത്തിന് അദ്ദേഹം നല്കിയ സംഭാവനകള്‍ എന്നും ആദരവോടെ സ്മരിക്കപ്പെടുമെന്ന് പ്രധാനമന്ത്രി നരേന്ദ്രമോദി എക്‌സില്‍ കുറിച്ചു. വിശിഷ്ടമായ വൈജ്ഞാനിക പ്രതിഭകൊണ്ടും എളിമയാര്‍ന്ന പെരുമാറ്റം കൊണ്ടും ജനങ്ങള്‍ നെഞ്ചോട് ചേര്‍ത്ത പ്രിയപ്പെട്ട മുന്‍ രാഷ്ട്രപതി ഡോ.എ.പി.ജെ. അബ്ദുള്‍ കലാമിന് ജന്മദിനത്തില്‍ ശ്രദ്ധാഞ്ജലി അര്‍പ്പിക്കുകയാണെന്നും അദ്ദേഹം കുറിച്ചു.
പ്രതികരിക്കാൻ ഇവിടെ എഴുതുക: