ജമ്മു: പരിസ്ഥിതി സംരക്ഷണത്തിനും സാമാജിക സമരസതയ്ക്കും ഭാരതത്തിന്റെ പരമ്പരാഗത കുടുംബ വ്യവസ്ഥയെ ശക്തിപ്പെടുത്താനും വേണ്ടി പ്രവര്ത്തിക്കണമെന്ന് ആര്എസ്എസ് സര്സംഘചാലക് ഡോ. മോഹന് ഭഗവത്. ത്രിദിന ജമ്മു സന്ദര്ശനത്തിന്റെ രണ്ടാം ദിനത്തില് വിവിധ സംഘടനകളിലെ പ്രവര്ത്തകരുടെ സമന്വയ യോഗത്തെ അഭിസംബോധന ചെയ്യുകയായിരുന്നു അദ്ദേഹം.
സംഘമെന്ന സന്ദേശം എല്ലാ വീടുകളിലുമെത്തണം. രാഷ്ട്രത്തിന് അനുകൂലമായി ചിന്തിക്കുന്ന സമൂഹം എല്ലാ തലത്തിലും വളര്ന്നുവരണം. അദ്ദേഹം പറഞ്ഞു.
ജമ്മു കേശവഭവനിലെ സേവാഭാരതി ഹോസ്റ്റലിലെ വിദ്യാര്ത്ഥികളുമായും സര്സംഘചാലക് സംവദിച്ചു. പഠനത്തെക്കുറിച്ചും മറ്റും അവരോട് ചോദിച്ച് മനസിലാക്കി. ഹോസ്റ്റലിലെ കുട്ടികള്ക്കൊപ്പം ചേര്ന്ന് അദ്ദേഹം ദേശഭക്തി ഗാനങ്ങള് ആലപിച്ചു. ക്ഷേത്ര സംഘചാലക് സീതാ റാം ജി വ്യാസ്, ജമ്മു കശ്മീര് പ്രാന്ത സംഘചാലക് ഡോ. ഗൗതം മെംഗി എന്നിവരും ഒപ്പമുണ്ടായിരുന്നു.
