തിരുവനന്തപുരം: മുഖ്യമന്ത്രിക്കെതിരെ വിമര്‍ശനവുമായി വീണ്ടും ഗവര്‍ണര്‍ ആരിഫ് മുഹമ്മദ് ഖാന്‍. തന്നോട് സര്‍വകലാശാലകളുടെ ചാന്‍സലറായി തുടരാന്‍ ആവശ്യപ്പെട്ടത് മുഖ്യമന്ത്രിയാണ്. എന്നിട്ടും മുഖ്യമന്ത്രി തന്റെ സംശയങ്ങള്‍ ദൂരീകരിക്കാന്‍ തയാറായിട്ടില്ലെന്നും ഗവര്‍ണര്‍ കുറ്റപ്പെടുത്തി. ബില്ലുകള്‍ സംബന്ധിച്ച തന്റെ ചോദ്യങ്ങള്‍ക്ക് വ്യക്തത വേണം.
ബില്ലുകളെക്കുറിച്ചുള്ള തന്റെ ചോദ്യങ്ങള്‍ക്ക് മറുപടി കിട്ടേണ്ടതുണ്ട്. മുഖ്യമന്ത്രി രാജ്ഭവനിലേക്ക് അയച്ച മന്ത്രിമാര്‍ക്ക് ചോദ്യങ്ങള്‍ക്ക് ഉത്തരം നല്‍കാനാകുന്നില്ല. താന്‍ പിന്നെ ആരോടാണ് കാര്യങ്ങള്‍ ചോദിക്കേണ്ടതെന്നും ഗവര്‍ണര്‍ ആരാഞ്ഞു.
കലാമണ്ഡലം ചാന്‍സലര്‍ ശമ്പളം ചോദിച്ചതില്‍ തെറ്റില്ല. ആവശ്യത്തെ പിന്തുണയ്‌ക്കുന്നു. സൗജന്യ സേവനം ചെയ്യേണ്ട ആവശ്യമില്ലെന്നും ഗവര്‍ണര്‍ പറഞ്ഞു. ഗവര്‍ണര്‍ കലാമണ്ഡലം ചാന്‍സലറായിരുന്നെങ്കില്‍ ഈ പ്രതിസന്ധി ഉണ്ടാകില്ലായിരുന്നു.ചാന്‍സലര്‍ എന്ന നിലയില്‍ തനിക്ക് ശമ്പളം നല്‍കേണ്ട ആവശ്യമില്ല. പുറത്തുനിന്നും ആളെ നിയമിക്കുമ്പോള്‍ സ്ഥിതി അതല്ലെന്നും ഗവര്‍ണര്‍ പറഞ്ഞു.
പ്രതികരിക്കാൻ ഇവിടെ എഴുതുക: