ലക്‌നൗ: ഇന്ത്യ-പാകിസ്താന്‍ ലോകകപ്പ് മത്സരത്തിന് മുന്നോടിയായി ഇന്ത്യന്‍ ടീമിന്റെ വിജയത്തിനായി പ്രര്‍ത്ഥന നടത്തി ആരാധകര്‍. ഉത്തര്‍പ്രദേശിലെ കാണ്‍പൂരിലെ ഘണ്ടാഘറില്‍ സ്ഥിതി ചെയ്യുന്ന സങ്കട് മോചന്‍ ഹനുമാന്‍ ക്ഷേത്രത്തിലാണ് ആരാധകര്‍ പ്രാര്‍ത്ഥന നടത്തിയത്.
പോസ്റ്ററുകളും ബാനറുകളുമായി ആരാധകര്‍ പ്രിയ താരങ്ങള്‍ക്ക് വേണ്ടി ഭജനം നടത്തുകയും ഇന്ത്യയുടെ വിജയത്തിനായി പ്രാര്‍ത്ഥിക്കുകയും ചെയ്തു. കഴിഞ്ഞ മത്സരത്തെക്കാള്‍ മികച്ച പ്രകാടനാമാകും ഇത്തവണ ടീം കാഴ്ചവെക്കുന്നതെന്നും അവര്‍ പറഞ്ഞു.
നരേന്ദ്രമോദി സ്‌റ്റേഡിയത്തില്‍ ഇന്നാണ് ഇന്ത്യയും പാകിസ്താനും ഏറ്റുമുട്ടുന്നത്. കൂടാതെ ഇന്നത്തെ മത്സരം ജയിച്ചാല്‍ ലോകകപ്പില്‍ പാകിസ്താനെതിരെ ഏറ്റവും കൂടുതല്‍ ജയം നേടിയ ടീം എന്ന റെക്കോര്‍ഡും ഇന്ത്യക്ക് ലഭിക്കും. നിലവില്‍ ശ്രീലങ്കയ്‌ക്കെതിരെ 8 വിജയങ്ങള്‍ നേടി ഈ റെക്കോര്‍ഡ് പാകിസ്താന്റെ പേരിലാണുള്ളത്.
പ്രതികരിക്കാൻ ഇവിടെ എഴുതുക: