കോട്ടയം: സംസ്ഥാന സര്ക്കാര് ജീവനക്കാരെയും അധ്യാപകരെയും പണിമുടക്കിലേക്ക് തള്ളിവിടരുതെന്ന് ബിഎംഎസ് ദക്ഷിണ ക്ഷേത്രീയ സഹസംഘടനാ സെക്രട്ടറി എം.പി. രാജീവന്. കേരള ഗസറ്റഡ് ഓഫീസേഴ്സ് സംഘ് സംസ്ഥാന സമ്മേളനത്തിന്റെ ഭാഗമായുള്ള സംസ്ഥാന കൗണ്സില് യോഗം ഉദ്ഘാടനം ചെയ്യുകയായിരുന്നു അദ്ദേഹം.
സര്ക്കാര് ജീവനക്കാര് നാളിതുവരെ കണ്ടിട്ടില്ലാത്ത അവഗണനയിലൂടെയാണ് കടന്നുപോകുന്നത്. അര്ഹതപ്പെട്ട 18 ശതമാനം ക്ഷാമബത്ത കുടിശ്ശിക കേരളത്തില് മാത്രമാണുള്ളത്. മെഡിസെപ്പ് പദ്ധതിയുടെ നടത്തിപ്പിലെ അപാകത ഉടന് പരിഹരിക്കണം. ജീവനക്കാരെ രാഷ്ട്രീയപ്രേരിതമായി സ്ഥലംമാറ്റുന്നത് അവസാനിപ്പിക്കണമെന്നും അദ്ദേഹം പറഞ്ഞു. ബിഎംഎസ് ജില്ലാ കാര്യാലയത്തിലെ ആര്. വേണുഗോപാല് സഭാഗൃഹത്തില് നടന്ന യോഗത്തില് സംസ്ഥാന പ്രസിഡന്റ് ബി. മനു അധ്യക്ഷനായി. സംസ്ഥാന ജന. സെക്രട്ടറി ഇ.പി.പ്രദീപ് വാര്ഷിക റിപ്പോര്ട്ടും, ട്രഷറര് രതീഷ് ആര്. നായര് വാര്ഷിക കണക്കും അവതരിപ്പിച്ചു.
ബിഎംഎസ് ജില്ലാ പ്രസിഡന്റ് എസ്. വിനയകുമാര്, സ്വാഗതസംഘം ജന. കണ്വീനര് എം.ആര്. അജിത്കുമാര്, കെജിഒ സംഘ് ജില്ലാ പ്രസിഡന്റ് പി.ടി. ഗോപകുമാര്, സെക്രട്ടറി കെ. വിനോദ്, സംസ്ഥാന സമിതിയംഗം ആര്. സാജന്, സംസ്ഥാന വൈസ് പ്രസിഡന്റ് ടി.സി. സുരേഷ് തുടങ്ങിയവര് സംസാരിച്ചു.
തിരുനക്കര എന്എസ്എസ് ഹാളില് ഇന്ന് രാവിലെ 10ന് ആരംഭിക്കുന്ന പ്രതിനിധി സമ്മേളനം മുന് പിഎസ്സി ചെയര്മാന് ഡോ. കെ.എസ്. രാധാകൃഷ്ണന് ഉദ്ഘാടനം ചെയ്യും. ഡോ. സി. ഐ. ഐസക്, വിവിധ സര്വ്വീസ് സംഘടനാ ഭാരവാഹികള് എന്നിവര് സംസാരിക്കും. സാംസ്കാരിക സമ്മേളനം ആര്. സാനു ഉദ്ഘാടനം ചെയ്യും.
യാത്രയയപ്പ് സമ്മേളനം ബിഎംഎസ് സംസ്ഥാന പ്രസിഡന്റ് സി. ഉണ്ണികൃഷ്ണന് ഉണ്ണിത്താന് ഉദ്ഘാടനം ചെയ്യും. വൈകിട്ട് നാലിന് സമാപന സമ്മേളനം ആര്ആര്കെഎംഎസ് ദേശീയ വൈസ് പ്രസിഡന്റ് പി. സുനില് കുമാര് ഉദ്ഘാടനം ചെയ്യും.
