ടെല് അവീവ്: ഹമാസിനെ തകര്ക്കണമെന്നും ഇസ്ലാമിക് സ്റ്റേറ്റ് അഥവാ ഐഎസ്ഐഎസിന് സമാനമായി ഹമാസിനെ പരിഗണിക്കണമെന്നും ഇസ്രായേല് പ്രധാനമന്ത്രി ബെഞ്ചമിന് നെതന്യാഹു പറഞ്ഞു. ഹമാസിനെ രാജ്യങ്ങള് ഒറ്റപെടുത്തണമെന്നും ഉപരോധം ഏര്പ്പെടുത്തണമെന്നും അദേഹം പറഞ്ഞു.
ഹമാസ് ഐഎസ്ഐഎസ് പോലെയാണ്, ഐഎസ്ഐഎസ് തകര്ത്തത് പോലെ ഹമാസും തകര്ക്കപ്പെടും. ഐഎസ്ഐഎസിനോട് പെരുമാറിയതുപോലെ ഹമാസിനെയും പരിഗണിക്കണം. രാജ്യങ്ങള് അവരെ തള്ളണം. ഒരു നേതാവും അവരെ കാണരുത്, ഒരു രാജ്യത്തിലും അഭയം നല്കരുത്. അതിന് ആരെയും അനുവദിക്കുകയും ചെയ്യരുതെന്നും അദ്ദേഹം പറഞ്ഞു. പി എം നെതന്യാഹു യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനുമായി നടത്തിയ സംയുക്ത പത്രസമ്മേളനത്തില് ഇക്കാര്യം പറഞ്ഞത്.
ഒരു ഔട്ട്ഡോര് സംഗീതോത്സവത്തില് യുവാക്കളെ കൂട്ടക്കൊല ചെയ്യുക, മുഴുവന് കുടുംബങ്ങളെയും കശാപ്പ് ചെയ്യുക, കുട്ടികളുടെ മുന്നില് മാതാപിതാക്കളെ കൊലപ്പെടുത്തുക, മാതാപിതാക്കളുടെ മുന്നില് വെച്ച് കുട്ടികളെ കൊലപ്പെടുത്തല്, ആളുകളെ ജീവനോടെ ചുട്ടുകൊല്ലല്, ശിരഛേദം ചെയ്യുക, തട്ടിക്കൊണ്ടുപോകല് എന്നിവ ചെയ്യുന്ന ഹമാസ് സംസ്കാരത്തിന്റെ തന്നെ ശത്രുവാണെന്നും നെതന്യാഹു പറഞ്ഞു.
