ശ്രീനഗര്‍: അതിര്‍ത്തിയില്‍ ലഷ്‌കര്‍ ഭീകരന്‍ പിടിയില്‍. ഉഷ്‌കര നിവാസിയായ മുദാഹിര്‍ അഹമ്മദ് ബട്ട് എന്ന ഭീകരനെയാണ് സുരക്ഷാസേന അറസ്റ്റ് ചെയ്തത്. മ്മുകശ്മീരിലെ ബാരാമുള്ള ജില്ലയില്‍ നിന്നാണ് ഇയാള്‍ സേനയുടെ വലയിലായത്. ഇയാളുടെ പക്കല്‍ നിന്നും മാരകായുധങ്ങളും വെടിക്കോപ്പുകളും കണ്ടെടുത്തതായി സൈന്യം അറിയിച്ചു
സെന്യത്തിനും കശ്മീര്‍ പോലീസിനും ലഭിച്ച രഹസ്യ വിവരത്തെ തുടര്‍ന്ന് നടത്തിയ തിരച്ചിലിലാണ് ബാരാമുള്ളയിലെ ഉഷ്‌കരയിലെ ചെക്ക്‌പോസ്റ്റിന് സമീപത്ത് ഭീകരനെ സൈന്യം വളഞ്ഞത്. ചെക്ക്‌പോസ്റ്റില്‍ പരിശോധനയ്‌ക്കിടെയാണ് ഇയാള്‍ നടന്നു വരുന്നതായി സൈന്യത്തിന്റെ ശ്രദ്ധയില്‍പെടുന്നത്. സുരക്ഷാ ഉദ്യോഗസ്ഥരെ കണ്ട മുദാഹീര്‍ ഓടി രക്ഷപ്പെടാന്‍ ശ്രമിച്ചെങ്കിലും സൈന്യം ഇയാളെ കീഴ്‌പ്പെടുത്തുകയായിരുന്നു. തുടര്‍ന്ന് നടത്തിയ പരിശോധനയില്‍ ഇയാളില്‍ നിന്നും ഗ്രനേഡുകളടക്കമുള്ള വസ്തുക്കള്‍ പിടിച്ചെടുത്തു.
പ്രതികരിക്കാൻ ഇവിടെ എഴുതുക: