ന്യൂദല്‍ഹി: ഇസ്രായേല്‍-പാലസ്തീന്‍ പ്രശ്‌നത്തില്‍ ഭാരതം ഇടപെട്ട് പരിഹാരം കാണണമെന്നും ഭാരതത്തിലെ പാലസ്തീന്‍ അംബാസഡര്‍ അബു അല്‍ഹൈജ. ‘ഇരു രാജ്യങ്ങളുടെയും ഉറ്റ സുഹൃത്താണ് ഭാരതം, യുദ്ധത്തിന്റെ ഉത്തരവാദിത്തം അന്താരാഷ്‌ട്ര സമൂഹത്തിനാണ്, ഭാരതം ഇടപെട്ട് ചര്‍ച്ചകള്‍ നടത്തണം, ഞങ്ങളെ സഹായിക്കണം. എന്‍ഡിടിവിക്കു നല്‍കിയ അഭിമുഖത്തില്‍ അബു അല്‍ഹൈജ പറഞ്ഞു.
‘വെസ്റ്റ്ബാങ്കില്‍ ഇസ്രായേല്‍ ചെയ്യുന്നതിനോടുള്ള പ്രതികരണമാണ് സംഭവിച്ചത്. പാലസ്തീനുമായി ബന്ധപ്പെട്ട് 800 പ്രമേയങ്ങള്‍ യുഎന്‍ പാസാക്കി. ഇതില്‍ ഒന്നും ഇസ്രായേല്‍ നടപ്പാക്കിയില്ല. അധിനിവേശ പ്രദേശങ്ങളില്‍ ഇസ്രായേല്‍ നിയന്ത്രണം അവസാനിപ്പിച്ചാല്‍ പാലസ്തീനിന്റെ ഭാഗത്തു നിന്നുള്ള ആക്രമണങ്ങളും അവസാനിക്കും’.
‘സാധാരണക്കാരെ കൊല്ലുന്നതിന് പാലസ്തീന്‍ എതിരാണ്. പ്രതിസന്ധിക്ക് സമാധാനപരമായ പരിഹാരമാണ് ആഗ്രഹിക്കുന്നത്. ചര്‍ച്ചകള്‍ നടത്താന്‍ സഹായിക്കണമെന്ന് ആവശ്യപ്പെട്ട് ഞങ്ങളുടെ പ്രസിഡന്റ് നിരവധി യൂറോപ്യന്‍ രാജ്യങ്ങളുമായി ബന്ധപ്പെട്ടിരിക്കുന്നു. അബു അല്‍ഹൈജ പറഞ്ഞു.
പ്രതികരിക്കാൻ ഇവിടെ എഴുതുക: