കോട്ടയം: കാർ ടെലിഫോൺ പോസ്റ്റിലിടിച്ച് വീട്ടമ്മയ്ക്ക് ദാരുണാന്ത്യം. കാഞ്ഞിരപ്പള്ളി ടൗണിലായിരുന്നു അപകടം നടന്നത്. കട്ടപ്പന സ്വദേശിനി അമ്മിണി മാത്യുവാണ് മരിച്ചത്. ഇന്ന് പുലർച്ചെ നാലരയോടെയായിരുന്നു അപകടം.
അസുഖത്തെ തുടർന്ന് കോട്ടയത്തെ ആശുപത്രിയിൽ ചികിത്സ കഴിഞ്ഞ് വീട്ടിലേക്ക് മടങ്ങവെയായിരുന്നു അപകടം. കാഞ്ഞിരപ്പള്ളി സിവിൽ സ്റ്റേഷന് മുന്നിലായിരുന്നു സംഭവം. കാർ പോസ്റ്റിൽ ഇടിച്ചതിന് പിന്നാലെ വീട്ടമ്മയെ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഉറങ്ങിപ്പോയതാകാം അപകടത്തിന് കാരണമെന്നാണ് പ്രാഥമിക നിഗമനം.
