എറണാകുളം: തൃക്കാക്കര കമ്മ്യൂണിറ്റി ഹെല്‍ത്ത് സെന്ററിലെ ഡോക്ടര്‍ക്കെതിരായ ലൈംഗികാതിക്രമ പരാതി മെഡിക്കല്‍ ഓഫീസര്‍ ഒതുക്കി തീര്‍ത്തെന്ന് പരാതി. ഡോക്ടര്‍ സുഹാസിനെതിരെ നല്‍കിയ പരാതിയാണ് ഒതുക്കി തീര്‍ത്തതെന്നാണ് പരാതി. നഴ്സുമാര്‍ ഉള്‍പ്പെടെ ജീവനക്കാരോട് ലൈംഗികച്ചുവയോടെ സംസാരിക്കുന്നു എന്നായിരുന്നു ഡോക്ടര്‍ക്കെതിരായ പരാതി.
എന്നാല്‍ ഇത്തരത്തില്‍ തെറ്റ് ആവര്‍ത്തിക്കില്ലെന്ന് ഡോക്ടറില്‍ നിന്ന് എഴുതി വാങ്ങിയാണ് പരാതി അവസാനിപ്പിച്ചത്.പരാതിക്കാരിയായ നഴ്സിന്റെ മൊഴി രേഖപ്പെടുത്താതെയായിരുന്നു മെഡിക്കല്‍ ഓഫീസര്‍ പരാതി ഒതുക്കിയത്.
നഴ്സിന്റെ പരാതിയല്‍ മൊഴി എടുക്കാനോ ആഭ്യന്തര അന്വേഷണത്തിന് ശേഷം പരാതി പൊലീസിന് കൈമാറാനോ മെഡിക്കല്‍ ഓഫീസര്‍ തയാറായില്ല.
ഡോക്ടര്‍ക്ക് എതിരെ ഒരു രോഗി കൂടി പരാതി നല്‍കിയിട്ടുണ്ട്. എന്നാല്‍ ഇതും പൊലീസിന് കൈമാറിയിട്ടില്ല. പരാതി ഒതുക്കി തീര്‍ക്കത്തെന്ന് വാര്‍ത്ത വന്നതോടെ ഡോക്ടറോട് അവധിയില്‍ പോകാന്‍ നിര്‍ദേശം നല്‍കിയതായി മെഡിക്കല്‍ സൂപ്രണ്ട് വിശദീകരണം നല്‍കി.
പ്രതികരിക്കാൻ ഇവിടെ എഴുതുക: