പാലക്കാട് : വാടക വീട്ടില് ഭാര്യയേയും ഭര്ത്താവിനേയും മരിച്ച നിലയില് കണ്ടെത്തി.പട്ടാമ്പിയിലാണ് സംഭവം.
പട്ടാമ്പി കൊപ്പം മുളയന്കാവില് പുരയ്ക്കല് ഷാജി, ഭാര്യ സുചിത്ര എന്നിവരെയാണ് മരിച്ച നിലയില് കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനമെന്ന് പൊലീസ് അറിയിച്ചു.മൃതദേഹങ്ങള്ക്ക് മൂന്നു ദിവസത്തെ പഴക്കമുണ്ട്.
ഷാജിയുടെ മൃതദേഹം തൂങ്ങി നില്ക്കുന്ന നിലയിലാണ് കണ്ടെത്തിയത്. മൃതദേഹം അഴുകി ദുര്ഗന്ധം വമിച്ചതിനെ തുടര്ന്ന് സമീപവാസികള് വീട് പരിശോധിച്ചപ്പോഴാണ് മൃതദേഹങ്ങള് കണ്ടത്.
ദമ്പതികള്ക്ക് പത്ത് വയസുള്ള ഒരു കുട്ടിയുണ്ട്. ഏതാനും ദിവസങ്ങളായി ഷാജിയുടെ വീട്ടിലാണ് കുട്ടി കഴിഞ്ഞിരുന്നത്. സുചിത്രയും ഷാജിയും തമ്മില് കുടുംബ പ്രശ്നങ്ങളുണ്ടായിരുന്നെന്നാണ് അയല്വാസികള് നല്കുന്ന സൂചന.സംഭവത്തില് കൊപ്പം പൊലീസ് അന്വേഷണം തുടങ്ങി.
