മേടക്കൂറ്: അശ്വതി, ഭരണി, കാര്ത്തിക (¼)
പുണ്യസ്ഥലങ്ങള് സന്ദര്ശിക്കും. ഉദ്യോഗത്തില് സ്ഥലമാറ്റമുണ്ടാകും. കിട്ടാനുള്ള പണം തിരിച്ചുകിട്ടും. ഉദ്യോഗത്തില് പ്രമോഷന് ലഭിക്കും. സമ്പത്തും സുഖവും വര്ധിക്കും. ആലോചനാ പൂര്വമല്ലാത്ത പ്രവര്ത്തനങ്ങള് മുഖേന വിഷമതകള് ക്ഷണിച്ചുവരുത്തരുത്.
ഇടവക്കൂറ്: കാര്ത്തിക (¾), രോഹിണി, മകയിരം (½)
വാഹനങ്ങള് മാറ്റി വാങ്ങും. ശ്വാസകോശ സംബന്ധമായ രോഗങ്ങള് പിടിപെടും. മുന്പത്തെക്കാളധികം മതവിശ്വാസവും ദൈവവിശ്വാസവും പ്രദര്ശിപ്പിക്കും. ഗൃഹത്തില് സമാധാനം കൂടും. രോഗികള്ക്ക് ആശ്വാസം ലഭിക്കും. തറവാട്ടു സംബന്ധമായ പ്രശ്നങ്ങളിലും മറ്റും അവനവന്റെ അഭിപ്രായം അംഗീകരിക്കപ്പെടും.
മിഥുനക്കൂറ്: മകയിരം (½), തിരുവാതിര, പുണര്തം (¾)
വ്യാപാരത്തില് പൂര്വാധിക വരുമാനമുണ്ടാകും. കുടുംബത്തില് സുഖവും സമാധാനവും ഉണ്ടാകും. ഭാഗ്യാന്വേഷികള്ക്ക് ഭാഗ്യദേവത കടാക്ഷിക്കാനിടയുണ്ട്. ഭാര്യയുമായി പിരിഞ്ഞ് നില്ക്കേണ്ട സാധ്യതയുണ്ട്. നികുതി വകയിലും വരുമാനം ഉണ്ടാകും.
കര്ക്കടകക്കൂറ്: പുണര്തം (¼), പൂയം, ആയില്യം
ടെസ്റ്റുകളിലും ഇന്റര്വ്യൂകളിലും വിജയിക്കും. വീട്ടില് ചില മംഗളകാര്യങ്ങള് നടക്കാനിടയുണ്ട്. സര്ക്കാര് ആനുകൂല്യങ്ങള് ലഭിക്കും. രോഗികള്ക്ക് ആശ്വാസം ലഭിക്കും. വിദ്യാഭ്യാസത്തിലുയര്ച്ചയുണ്ടാകും.
ചിങ്ങക്കൂറ്. മകം, പൂരം, ഉത്രം (¼)
പല മേഖലകളിലും മധ്യസ്ഥന്റെ മാര്ഗം സ്വീകരിക്കും. തിരഞ്ഞെടുപ്പ് ഫലങ്ങള് അനുകൂലമാവും. സൗന്ദര്യവസ്തുക്കളുടെ വില്പ്പനയില്നിന്ന് ആദായമുണ്ടാകും. വിദേശത്തുള്ളവര്ക്ക് ജോലിയില് ചില ബുദ്ധിമുട്ടുകള് അനുഭവിക്കാനിടവരും.
കന്നിക്കൂറ്: ഉത്രം (¾), അത്തം, ചിത്തിര (½)
പലതരം ആഘോഷങ്ങളിലും ഉത്സവങ്ങളിലും പങ്കുചേരും. ഏജന്സി ഏര്പ്പാടുകളില് ലാഭം കുറഞ്ഞുവരും. ഊമക്കത്തുകളും വാറോലകളും ഭയപ്പെടണം. പൂര്വിക സ്വത്തിന്റെ രേഖകളെച്ചൊല്ലി പ്രശ്നങ്ങള് ഉണ്ടായേക്കാം. പ്രതിയോഗികളുടെ പ്രവര്ത്തനം മൂലം താമസസ്ഥലത്ത് വിഷമമുണ്ടാകും.
തുലാക്കൂറ്: ചിത്തിര (½), ചോതി, വിശാഖം (¾)
രോഗികള്ക്ക് ആരോഗ്യം വീണ്ടുകിട്ടും. പിതൃസ്വത്ത് അനുഭവയോഗ്യമാകും. ജോലിയില് നിന്ന് പിരിച്ചുവിടലിനെതിരെ കേസ് കൊടുക്കേണ്ട സ്ഥിതിയുണ്ടാകും. കടം കൊടുത്ത പണം പലിശയോടെ തിരിച്ചുകിട്ടും. സമ്മാനങ്ങള് ലഭിക്കാനിടയുണ്ട്.
വൃശ്ചികക്കൂറ്: വിശാഖം (¼), അനിഴം, തൃക്കേട്ട
ഏത് കാര്യത്തിലിടപെടുമ്പോഴും തടസ്സങ്ങളുണ്ടാകും. കൈക്കൂലി കണ്ടുപിടിച്ച് ശാസനയ്ക്ക് വിധേയനാകും. പ്രമോഷന് കാര്യത്തിലും അല്പ്പം കാലതാമസമുണ്ടാകും. റോയല്റ്റി വകയില് കിട്ടേണ്ട തുക കൈയില് വന്നു ചേരും.
ധനുക്കൂറ്: മൂലം, പൂരാടം, ഉത്രാടം (¼)
പുരാവസ്തു ശേഖരിക്കുന്നതില് താല്പ്പര്യം പ്രകടിപ്പിക്കും. പുതിയ വാഹനം, ഭൂമി, പൂര്വിക സ്വത്ത് എന്നിവയില് ഏതെങ്കിലും അധീനതയില് വന്നുചേരും. സല്കര്മങ്ങള്ക്കായി പണം ചെലവഴിക്കും. പുതിയ ചില കരാറുകളില് ഒപ്പിടേണ്ടി വരും.
മകരക്കൂറ്: ഉത്രാടം (¾), തിരുവോണം, അവിട്ടം (½)
സുഖഭോഗങ്ങള്ക്കും വിനോദയാത്രകള്ക്കും ധാരാളം പണം ചെലവഴിക്കും. ഗൃഹാന്തരീക്ഷം ആനന്ദപ്രദമായിരിക്കും. സുഹൃത്തുക്കളില്നിന്നും സഹോദരങ്ങളില്നിന്നും അഭിപ്രായ വ്യത്യാസങ്ങള് വന്നുപെട്ടേക്കും.
കുംഭക്കൂറ്: അവിട്ടം (½), ചതയം, പൂരുരുട്ടാതി (¾)
യുവജനങ്ങളുടെ വിവാഹകാര്യത്തില് തീരുമാനമുണ്ടാകും. വ്യവഹാരങ്ങളിലും തിരഞ്ഞെടുപ്പുകളിലും വിജയം കൈവരിക്കും. ഉദ്യോഗത്തില് പ്രമോഷനോടുകൂടിയുള്ള സ്ഥലമാറ്റമുണ്ടാകും. കോടതി മുഖാന്തരമുള്ള കേസുകളില് അപ്പീല് പോകേണ്ടിവന്നേക്കും.
മീനക്കൂറ്: പൂരുരുട്ടാതി (¼), ഉതൃട്ടാതി, രേവതി
കുടുംബാംഗങ്ങളുമായി ബന്ധം കൂടുതല് സുദൃഢമാകും. വീട്ടില് ചില അനിഷ്ട സംഭവങ്ങള് നടക്കാനിടയുണ്ട്. ഉന്നത വ്യക്തികളുടെ ഇടപെടല് കാരണം മനഃസുഖം അല്പ്പം കുറയും. രോഗികള്ക്ക് ആശ്വാസം ലഭിക്കും.
