ന്യൂഡൽഹി: ടാറ്റാ ഗ്രൂപ്പ് ഏറ്റെടുത്തതിന് ശേഷം പുതിയ രൂപഭാവങ്ങളോടെ എയർ ഇന്ത്യ വിമാനങ്ങൾ. ലോഗോയിലും നിറത്തിലുമുള്ള മാറ്റങ്ങളുമായാണ് വിമാനം എത്തിയിരിക്കുന്നത്. പുതിയ മാറ്റങ്ങളോടെയുള്ള എ-350 വിമാനത്തിന്റെ ചിത്രങ്ങളാണ് എയർ ഇന്ത്യ പുറത്തു വിട്ടിരിക്കുന്നത്.
ഉടൻ തന്നെ ഇവ സർവീസ് ആരംഭിക്കുമെന്നും എയർ ഇന്ത്യ എക്സിലൂടെ അറിയിച്ചു. കടുംചുവപ്പ്, വയലറ്റ്, സ്വർണ നിറങ്ങളുടെ സമന്വയമാണ് ലോഗിയിൽ ഉള്ളത്. പാരമ്പര്യ തനിമ നിലനിർത്തിയാണ് രൂപകൽപ്പന ചെയ്തിരിക്കുന്നതെന്ന് അധികൃതർ വ്യക്തമാക്കി.
