തിരുവനന്തപുരം: ആര്‍ എസ് എസ് സര്‍സംഘചാലക് ഡോ. മോഹന്‍ ഭാഗവത് ഗവര്‍ണര്‍ ആരീഫ് മുഹമ്മദ് ഖാനുമായി കൂടിക്കാഴ്ച നടത്തും. സംഘടനാ യാത്രയുടെ ഭാഗമായി കേരളത്തിലെത്തിയ മോഹന്‍ ഭാഗവത് ചൊവ്വാഴ്ച തലസ്ഥാനത്തെത്തും.
2020ലും 2022ലും കേരളത്തിലെത്തിയപ്പോള്‍ ഡോ. മോഹന്‍ ഭാഗവത് ഗവര്‍ണറുമായി കൂടിക്കാഴ്ച നടത്തിയിരുന്നു. 2022ല്‍ തൃശ്ശൂരിലെ ആര്‍എസ്എസ് പ്രവര്‍ത്തകന്റെ വീട്ടിലെത്തി ഗവര്‍ണര്‍ സര്‍സംഘചാലകനെ കണ്ടത് ചിലര്‍ വിവാദമാക്കിയിരുന്നു
ഇന്ന് വൈകിട്ട് കേസരി വാരിക സംഘടിപ്പിക്കുന്ന അമൃതശതം പ്രഭാഷണ പരമ്പരയില്‍ അദ്ദേഹം പങ്കെടുക്കും. ‘രാഷ്‌ട്രീയ സ്വയംസേവക സംഘത്തിന്റെ സംഘടനാ ശാസ്ത്രം’ എന്ന വിഷയത്തില്‍ സംസാരിക്കും. രാത്രി അദ്ദേഹം കൊല്ലത്തേക്ക് തിരിക്കും.
8 ന് കൊല്ലത്ത് സംഘചാലകന്മാരുടെ ബൈഠക്കില്‍ പങ്കെടുക്കും. തുടര്‍ന്ന് മാതാ അമൃതാനന്ദമയിയെ സന്ദര്‍ശിക്കും. 9,10 തീയ്യതികളില്‍ തിരുവനന്തപുരത്ത് നടക്കുന്ന സംഘടനാ യോഗങ്ങളിലും പങ്കെടുക്കും. ഗവര്‍ണ്ണര്‍ ആരിഫ് മുഹമ്മദ് ഖാനെ സന്ദര്‍ശിക്കും.11 ന് ഡല്‍ഹിക്ക് തിരിക്കും
കരിപ്പൂര്‍ വിമാനത്താവളത്തില്‍ ഇന്നു രാവിലെ എത്തിയ അദ്ദേഹത്തെ ആര്‍ എസ് എസ് പ്രാന്തപ്രചാരക് എസ്.സുദര്‍ശന്‍, കോഴിക്കോട് വിഭാഗ് സഹകാര്യവാഹ് സര്‍ജിത് ലാല്‍, കേസരി മുഖ്യപത്രാധിപര്‍ ഡോ.എന്‍. ആര്‍. മധു, ഹിന്ദുസ്ഥാന്‍ പ്രകാശന്‍ ട്രസ്റ്റ് അഡ്വ.പി.കെ ശ്രീകുമാര്‍ എന്നിവര്‍ സ്വീകരിച്ചു.
പ്രതികരിക്കാൻ ഇവിടെ എഴുതുക: