ഹാങ് ഷൗ: ഏഷ്യന് ഗെയിംസ് ഗുസ്തിയില് ഇന്ത്യക്ക് ഇന്ന് രണ്ട് വെങ്കലം. ഗുസ്തിയില് വനിതകളുടെ 62 കിലോഗ്രാം വിഭാഗത്തില് സോനം മാലിക് വെങ്കലം സ്വന്തമാക്കി. ലോക ചാമ്പ്യനായ ചൈനയുടെ ജിയ ലോങ്ങിനെ 6-4ന് പരാജയപ്പെടുത്തി.
വനിതകളുടെ 76 കിലോഗ്രാം വിഭാഗത്തില് ഇന്ത്യയുടെ കിരണ് ബിഷ്ണോയിയും വെങ്കല മെഡല് സ്വന്തമാക്കി. മംഗോളിയയുടെ അരിഞ്ഞാര്ഗല് ഗണ്ബത്തിനെ തോല്പ്പിച്ചാണ് ഇന്ത്യന് താരം ജയിച്ചത്. 6-3 എന്ന സ്കോറിനാണ് കിരണിന്റെ വിജയം.
നേരത്തേ വനിതകളുടെ സെപക്തക്രോയില് വെങ്കലവും ഇന്ത്യ സ്വന്തമാക്കി. ഈയിനത്തില് ഇന്ത്യയുടെ ആദ്യ മെഡലാണിത്. ഇന്ത്യ മെഡല് ഉറപ്പിച്ചിട്ടുള്ള ഇനങ്ങള് കണക്കാക്കിയാല് മെഡല് നേട്ടം 100ലേക്ക് എത്തും.
