മുംബൈ: ഗൊര്‍ഗോണിലെ അഞ്ചുനില ഫഌറ്റിലുണ്ടായ തീപിടിത്തത്തില്‍ ഏഴു പേര്‍ക്ക് ദാരുണാന്ത്യം. നിരവധി പേര്‍ക്ക് പൊള്ളലേറ്റിട്ടുണ്ട്. പരിക്കേറ്റവരെ സമീപത്തെ ആശുപത്രികളിലേക്ക് മാറ്റി. ഇവരുടെ നില ഗുരുതരമാണെന്നാണ് റിപ്പോര്‍ട്ട്. ഇന്നു പുലര്‍ച്ചെയാണ് അപകടം ഉണ്ടായത്.
എം. ജി റോഡിലെ ജയ് ഭവാനി ബില്‍ഡിംഗില്‍ പുലര്‍ച്ചെ മൂന്ന് മണിയോടെ ഉണ്ടായ തീപിടിത്തം ലെവല്‍ 2 വിഭാഗത്തിലേക്ക് എത്തിയതാണ് അപകടം ഉണ്ടാക്കിയത്. 30ലധികം പേരാണ് അപകടത്തില്‍ നിന്ന് രക്ഷപ്പെടുത്തിയത്. ഇതുവരെ പരിക്കേറ്റ 46 പേരില്‍ ഏഴു പേരാണ് മരണത്തിനു കീഴടങ്ങിയത്.
39 പേര്‍ എച്ച്ബിടിയിലും കൂപ്പര്‍ ആശുപത്രിയിലും ചികിത്സയിലാണെന്ന് മുംബൈ പോലീസ് അറിയിച്ചു. ഷോര്‍ട്ട് സര്‍ക്യൂട്ടാകാം തീപിടിത്തതിന്റെ കാരണമെന്നാണ് പ്രാഥമിക നിഗമനം. കടകള്‍, പാഴ്‌സാമഗ്രികള്‍, പാര്‍ക്ക് ചെയ്തിരുന്ന ഇരുചക്ര, നാലുചക്ര വാഹനങ്ങള്‍, മീറ്റര്‍ കാബിന്‍, തുണികള്‍, പ്ലൈവുഡ്,തുങ്ങിയവ കത്തിയമര്‍ന്നു. അഗ്‌നിശമനസേന സേനയുടെ എട്ട് യൂണിറ്റ് മണിക്കൂറുകളോളം ശ്രമിച്ചാണ് തീ നിയന്ത്രണ വിധേയമാക്കിയത്.
പ്രതികരിക്കാൻ ഇവിടെ എഴുതുക: