റാഞ്ചി: വിവാഹശേഷം മതം മാറാന്‍ നിര്‍ബന്ധിച്ചതിന് ഷൂട്ടിംഗ് താരത്തിന്റെ മുന്‍ ഭര്‍ത്താവിന് ജീവപര്യന്തം തടവുശിക്ഷ. റാഞ്ചിയിലെ പ്രത്യേക സിബിഐ കോടതിയാണ് ശിക്ഷ വിധിച്ചത്. ഷൂട്ടിങ് താരമായ താര ഷാദിയോയുടെ മുന്‍ ഭര്‍ത്താവ് രഞ്ജിത് കോലി എന്ന റാഖിബുള്‍ ഹസനെയാണ് ജീവപര്യന്തം തടവിന് ശിക്ഷിച്ചത്. റഖിബുളിന്റെ അമ്മ കൗസര്‍ റാണിക്ക് 10 വര്‍ഷവും ഗൂഢാലോചന നടത്തിയെന്നാരോപിച്ച് അന്നത്തെ ഹൈക്കോടതി റജിസ്ട്രാര്‍ മുസ്താഖ് അഹമ്മദിനെ 15 വര്‍ഷം തടവിനും ശിക്ഷിച്ചു.
താര ഷാദിയോ നല്‍കിയ പരാതിയുടെ അടിസ്ഥാനത്തില്‍ സിബിഐ കുറ്റപത്രം സമര്‍പ്പിച്ച് ആറു വര്‍ഷത്തിനു ശേഷമാണ് ശിക്ഷ വിധിക്കുന്നത്. 2014 ജൂണിലായിരുന്നു താരയും റാഖിബുള്‍ ഹസനും തമ്മിലുള്ള വിവാഹം. കല്യാണം കഴിഞ്ഞ രണ്ടു ദിവസം കഴിഞ്ഞപ്പോള്‍ മുതല്‍ മതം മാറാന്‍ ഭര്‍ത്താവ് സമ്മര്‍ദ്ദം ചെലുത്താന്‍ തുടങ്ങി. 2015-ല്‍ കേസ് സിബിഐ ഏറ്റെടുത്തു.
2018 ജൂണില്‍ റാഞ്ചിയിലെ കുടുംബ കോടതി താര ഷാദിയോയ്‌ക്ക് വിവാഹമോചനം അനുവദിച്ചു. യഥാര്‍ഥ പേരും മതം സംബന്ധിച്ച വിവരങ്ങളും മറച്ചുവച്ചാണ് റാഖിബുള്‍ തന്നെ വിവാഹം കഴിച്ചതെന്നായിരുന്നു താരയുടെ ആരോപണം. വിവാഹത്തിന് ശേഷമാണ് ഭര്‍ത്താവിന്റെ യഥാര്‍ഥ പേര് റാഖിബുള്‍ ഹസന്‍ ഖാന്‍ എന്നാണെന്ന് തിരിച്ചറിഞ്ഞത്.
പ്രതികരിക്കാൻ ഇവിടെ എഴുതുക: