വിവാഹ വാഗ്ദാനം നൽകി പീഡിപ്പിച്ചെന്ന കാസർഗോഡ് സ്വദേശിനി പരാതിയിലാണ് കേസ് എടുത്തത് .2021 മുതൽ പീഡിപ്പിക്കുകയായിരുന്നു എന്നും വിവാഹം കഴിക്കാൻ ആവശ്യപ്പെട്ടപ്പോൾ തന്നെ മർദിക്കുകയും ചെയ്തിരുന്നു എന്ന് യുവതി പരാതിയിൽ പറഞ്ഞിരുന്നു .
ലുക്ക് ഔട്ട് നോട്ടീസ് ഉള്ളതിനാൽ ഗൾഫിൽ നിന്നെത്തിയ ഷിയാസിനെ എമിഗ്രേഷൻ ഉദ്യോഗസ്ഥർ തടഞ്ഞു വെക്കുകയായിരുന്നു. തുടർന്ന് ചന്തേര പൊലീസിനെ ചെന്നൈ പൊലീസ് വിവരം അറിയിച്ചു. ഇതിന്റെ അടിസ്ഥാനത്തിൽ പൊലീസ് സംഘം ചെന്നൈയിലെത്തി ഷിയാസിനെ ഇന്ന് രാവിലെ അറസ്റ്റ് ചെയ്യുകയായിരുന്നു. ഇവിടെ നിന്നും ഷിയാസിനെ കാസർഗോഡേക്ക് കൊണ്ട് വരൻ പുറപ്പെടുന്നതിന് പിന്നാലെയാണ് ജാമ്യം ലഭിച്ചത് .
നേരത്തെ പരാതി വാർത്ത ആയപ്പോൾ ഷിയാസ് ,മാധ്യമങ്ങളെ അധിക്ഷേപിച്ച് സംസാരിച്ചിരുന്നു .ഞാന് ജയിലില് അല്ല. ദുബായിലാണ്. ഇവിടെ നല്ല അരി കിട്ടും എന്നറിഞ്ഞിട്ട് വാങ്ങാൻ വന്നതാണ്.’ ‘നാട്ടിൽ വന്നിട്ട് അരിയൊക്കെ ഞാൻ തരുന്നുണ്ട്. നാട്ടിൽ ഞാൻ ഉടൻ എത്തും. വന്നതിനുശേഷം നേരിട്ടു കാണാം’, എന്ന് പറഞ്ഞ് ചില മോശം വാക്കുകളോടെയായിരുന്നു വീഡിയോ. വീഡിയോ വിവാദമായതിന് പിന്നാലെ മാപ്പ് പറഞ്ഞ് ഷിയാസ് രംഗത്തെത്തി.
