കിടിലന്‍ ഫീച്ചറുകളുമായി ആന്‍ഡ്രോയ്ഡ് 14 എത്തുന്നു; ഗൂഗിളിന്റെ പുത്തന്‍ ഫോണുകളില്‍ ലഭ്യമാകുമോ?

ആന്‍ഡ്രോയ്ഡ് 14 എത്തുന്നു എന്ന് റിപ്പോര്‍ട്ട്. ബാറ്ററി ലൈഫ്, ഫീച്ചറുകള്‍, െ്രെപവസി, സെക്യൂരിറ്റി, മറ്റ് സംവിധാനങ്ങള്‍ തുടങ്ങി ഞെട്ടിക്കുന്ന അപ്‌ഡേഷനുകളാണ് ആന്‍ഡ്രോയ്ഡ് 14-ല്‍ ഒരുക്കിയിരിക്കുന്നത്. കേള്‍വി പ്രശ്‌നങ്ങള്‍ ഉള്ളവര്‍ക്കായി പുത്തന്‍ നോ നോട്ടിഫിക്കേഷന്‍ വരുമ്പോള്‍ ക്യാമറ ഫഌഷ്/ ഡിസ്‌പ്ലെ ലൈറ്റ് മിന്നുന്ന ഓപ്ഷന്‍ ക്രമീകരിക്കാന്‍ കഴിയും. പ്രാദേശിക ഭാഷകളും പ്രത്യേക ദിവസങ്ങളും അടങ്ങുന്ന കലണ്ടറും ആന്‍ഡ്രോയ്ഡ് 14 ല്‍ ലഭ്യമാകും.

കൂടുതല്‍ ദൈര്‍ഖ്യമുള്ള ബാറ്ററി ലൈഫാണ് മറ്റൊരു പ്രത്യേകത. ‘ബാറ്ററിയുടെ ഉപയോഗത്തിന് പ്രത്യേക പെര്‍മിഷന്‍സ് നല്‍കുന്ന ഓപ്ഷനായ ‘സ്‌കെഡ്യൂള്‍ എക്‌സാറ്റ് അലാം’ എന്ന പുത്തന്‍ ബാറ്ററി ഫീച്ചര്‍ 14 ല്‍ ഉള്‍പ്പെടുത്തിയിട്ടുണ്ട്. ബാറ്ററിയുടെ മാനുഫാക്ചറിംഗ് ഡേറ്റും രേഖപ്പെടുത്തിയിട്ടുണ്ടാകും. െ്രെപവസി സെക്യൂരിറ്റി ഫീച്ചേഴ്‌സിലും കാര്യമായ മാറ്റങ്ങളാണ് കൊണ്ടുവന്നിട്ടുള്ളത്. ഗാഡ്ജറ്റിലുള്ള പഴയ ആപ്പുകള്‍ നീക്കം ചെയ്യപ്പെടും. ഡാറ്റാ ഷെയറിംഗ് നോട്ടിഫിക്കേഷന്‍സ് മുന്‍പത്തേക്കാളും കൃത്യമായി ഉപയോക്താക്കളിലേക്ക് എത്തിക്കും. മാല്‍വെയര്‍ ഭീഷണികളില്‍ നിന്ന് ഒഴിവാകാന്‍ ബാക്ക് ഗ്രൗണ്ട് അഡ്ജസ്റ്റ്‌മെന്റസും ആവിഷ്‌കരിച്ചിട്ടുണ്ട്.

Pixel 4a 5G, Pixel 5, Pixel 5a, Pixel 6, Pixel 6 Pro, Pixel 6a, Pixel 7, Pixel 7 Pro, Pixel 7a, Pixel Fold തുടങ്ങിയ ഫോണുകള്‍ ആന്‍ഡ്രോയിഡ് 14 അധിഷ്ഠിതമായിരിക്കുമെന്നാണ് വിവരം. പുതിയ പിക്‌സല്‍ 8 സീരിസ് സ്മാര്‍ട്ട് ഫോണുകള്‍ ഇന്ന് വിപണിയില്‍ അവതരിപ്പിച്ചിരുന്നു.എന്നാല്‍ ഓപ്പറേറ്റിംഗ് സിസ്റ്റത്തെ കുറിച്ച് കാര്യമായ വിവരങ്ങള്‍ പുറത്തുവിട്ടില്ല. സസ്പന്‍സിലേക്കാണ് ടെക്കികള്‍ വിരല്‍ ചൂണ്ടുന്നത്. OnePlus 11 5G , OnePlus 11R, OnePlus Nord 3 എന്നിവയില്‍ ആന്‍ഡ്രോയിഡ് 14 ലഭ്യമാക്കുമെന്ന് വണ്‍ പ്ലസും നേരത്തെ സൂചന നല്‍കിയിരുന്നു.