തൃശൂര്: കരുവന്നൂര് സഹകരണ ബാങ്ക് തട്ടിപ്പ് കേസില് ചോദ്യം ചെയ്യലിന് വീണ്ടും ഹാജരാകാന് സിപിഎം സംസ്ഥാന സമിതി അംഗം എംകെ കണ്ണന് വീണ്ടും ഇഡി നോട്ടീസ്. വ്യാഴാഴ്ച ഹാജരാകാനാണ് ആവശ്യപ്പെട്ടിട്ടുളളത്.
കുടുംബാംഗങ്ങളുടെ ഉള്പ്പെടെ സ്വത്ത് വിവരം നല്കണമെന്നാണ് ഇ ഡിയുടെ ആവശ്യം.
കഴിഞ്ഞ മാസം 29ന് എംകെ കണ്ണന് ഇഡിയുടെ മുന്നില് ചോദ്യം ചെയ്യലിന് ഹാജരായി.എന്നാല് ചോദ്യം ചെയ്യലിനിടെ കണ്ണന് വിറയലുണ്ടായെന്നും തുടര്ന്ന് കണ്ണനെ പോകാന് അനുവദിക്കുകയായിരുന്നുവെന്നും ഇ ഡി പറഞ്ഞിരുന്നു..
കണ്ണന് ചോദ്യം ചെയ്യലുമായി സഹകരിക്കുന്നില്ലെന്നും മൊഴികളില് പൊരുത്തക്കേടുകളുണ്ടെന്നും ഇഡി വ്യക്തമാക്കിയിരുന്നു. എന്നാല് തനിക്ക് ആരോഗ്യ പ്രശ്നങ്ങള് ഇല്ലെന്നാണ് കണ്ണന് പിന്നീട് പ്രതികരിച്ചത്. ചോദ്യം ചെയ്യല് സൗഹാര്ദ്ദപരമായിരുന്നു എന്നും ഇഡി എപ്പോള് വിളിപ്പിച്ചാലും വരുമെന്നും കണ്ണന് വിശദമാക്കിയിരുന്നു.
അതേസമയം കരുവന്നൂരില് ബിജെപിയുടെ സഹകരണ സംരക്ഷണ പദയാത്ര ഇന്ന് സുരേഷ് ഗോപി നയിക്കും.
