ന്യൂദല്ഹി: പ്രധാനമന്ത്രി ചൂലെടുത്ത് ചപ്പുചവറുകള് അടിച്ചുകൂട്ടുന്ന വീഡിയോ വൈറല്. ഗുസ്തി താരം അങ്കിത് ബയന്പുരിയും മോദിയ്ക്കൊപ്പം ചൂലെടുത്ത് ഇറങ്ങുന്നുണ്ട്. ഏക് താരീഖ്, ഏക് ഘണ്ടാ, ഏക് സാത്ത്’ എന്നറിയപ്പെടുന്ന ക്യാമ്പെയിനില് പ്രധാനമന്ത്രി ചൂലുമായി ശുചീകരണം നടത്തുന്ന വീഡിയോ എക്സ് അക്കൗണ്ടിലൂടെയാണ് പങ്കുവെച്ചത്.
Today, as the nation focuses on Swachhata, Ankit Baiyanpuriya and I did the same! Beyond just cleanliness, we blended fitness and well-being also into the mix. It is all about that Swachh and Swasth Bharat vibe! @baiyanpuria pic.twitter.com/gwn1SgdR2C
— Narendra Modi (@narendramodi) October 1, 2023
ഗുസ്തി താരവും ഫിറ്റ്നസ് ഇന്ഫ്ലുവന്സറുമാണ് അങ്കിത് ബയന്പുരിയ. രാജ്യം ശുചിത്വത്തില് ശ്രദ്ധ കേന്ദ്രീകരിക്കുമ്പോള് അങ്കിത് ബയന്പുരിയയ്ക്കൊപ്പം ശുചിത്വമിഷന്റെ ഭാഗമാകുകയാണെന്നും വൃത്തിക്കൊപ്പം ഫിറ്റ്നസും ആരോഗ്യവും ചര്ച്ചാവിഷയമായെന്നും ശുചിത്വമുള്ളതും ആരോഗ്യകരവുമായ ഭാരതമാണ് ലക്ഷ്യമെന്നും മോദി ട്വിറ്ററില് കുറിച്ചു.
ഒക്ടോബര് രണ്ട് ഗാന്ധി ജയന്തിയോടനുബന്ധിച്ച് രാജ്യവ്യാപകമായി ശുചിത്വയജ്ഞത്തിന് ആഹ്വാനം നല്കുന്നതിന്റെ ഭാഗമായിരുന്നു മോദിയുടെ ഈ വീഡിയോ. ഒക്ടോബര് ഒന്ന് മുതല് ആരംഭിച്ച ശുചിത്വയജ്ഞം, ശുചിത്വമുള്ള ഇന്ത്യ കൂട്ടായ ഉത്തരവാദിത്തം എന്ന ആശയം മുന്നോട്ടുവയ്ക്കുന്നു.
കേന്ദ്ര ആഭ്യന്തരമന്ത്രി അമിത് ഷാ, കേന്ദ്ര മന്ത്രിമാര്, ബിജെപി ദേശീയാദ്ധ്യക്ഷന് ജെപി നദ്ദ തുടങ്ങിയവര് ശുചിത്വ പ്രചാരണയജ്ഞത്തിന്റെ ഭാഗമായി ശുചീകരണപ്രവര്ത്തനങ്ങളില് ഏര്പ്പെട്ടു. .
