പാലാ: മുത്തോലി ഗ്രാമപഞ്ചായത്തില് ഭാരത സര്ക്കാരിന്റെ ഗാര്ബേജ് ഫ്രീ ഇന്ത്യ- സ്വച്ഛതാ ഹി സേവാ കാമ്പയിനിന്റെയും സംസ്ഥാന സര്ക്കാരിന്റെ മാലിന്യ മുക്തം നവകേരളം ക്യാമ്പയിനിന്റെയും ഭാഗമായി മാലിന്യ നിര്മാര്ജ്ജന പ്രവര്ത്തനങ്ങള് നടത്തുന്നതിനുള്ള പ്രാഥമിക യോഗം പഞ്ചായത്ത് ഓഡിറ്റോറിയത്തില് നടന്നു.
ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയര്മാന് രാജന് മുണ്ടമറ്റം അദ്ധ്യക്ഷനായി. പ്രസിഡന്റ് രണ്ജിത്ത് ജി.മീനാഭവന് ഉദ്ഘാടനം ചെയ്തു.ഒക്ടോബര് ഒന്നിന് പഞ്ചായത്തിലെ വിവിധ വാര്ഡുകളിലെ മെമ്പര്മാര്, റസിഡന്റ്സ് അസോസിയേഷന്, കുടുംബശ്രീ പ്രവര്ത്തകര്, വിവിധ സന്നദ്ധ സംഘടനാ പ്രവര്ത്തകര് എന്നിവരുടെ നേതൃത്വത്തില് ശുചിത്വ പ്രവര്ത്തനങ്ങള് നടത്തുന്നതിന് യോഗം തീരുമാനിച്ചു. മാലിന്യം അടിഞ്ഞുകൂടിയ ഗ്രാമ പഞ്ചായത്തിന്റെ വിവിധ ഇടങ്ങള് വൃത്തിയാക്കി പൂച്ചെടികള് നട്ടുപിടിപ്പിച്ച് ”സ്നേഹാരാമങ്ങള്” തീര്ക്കുന്നതിന് സ്കൂള് എന്എസ്എസ് വോളന്റിയര്മാരെ പങ്കെടുപ്പിക്കും. രണ്ടിന് വിവിധ ശുചിത്വ പ്രവര്ത്തനങ്ങള്, സ്വച്ഛതാ റണ് എന്നിവ നടത്തും.യോഗത്തില് വികസനകാര്യ സ്റ്റാന്റിങ് കമ്മിറ്റി ചെയര്പേഴ്സണ്, ഗ്രാമപഞ്ചായത്ത് മെമ്പര് സിജുമോന് സി.എസ്, സെക്രട്ടറി അസിസ്റ്റന്റ് സെക്രട്ടറി എന്നിവര് സംസാരിച്ചു.
പിഎച്ച്സി മെഡിക്കല് ഓഫീസര്, ഹെല്ത്ത് ഇന്സ്പെക്ടര് എന്നിവര് ആരോഗ്യ സംരക്ഷണം, മാലിന്യ സംസ്കരണ പ്രവര്ത്തനങ്ങള് എന്നിവ സംബന്ധിച്ച് ക്ലാസ്സെടുത്തു.
ജന്മഭൂമി ഓണ്ലൈന്