ന്യൂദല്ഹി: രണ്ടായിരം രൂപ നോട്ട് മാറ്റിവാങ്ങാനുള്ള തീയതി റിസര്വ് ബാങ്ക് നീട്ടി. ഒക്ടോബര് ഏഴുവരെയാണ് സമയപരിധി നീട്ടിയത്.
വിദേശത്തുള്ള ഇന്ത്യക്കാരുടെ സൗകര്യംകൂടി കണക്കിലെടുത്താണ് സമയം നീട്ടിയതെന്നാണ് വിവരം. ഇന്നലെ (സെപ്റ്റംബര് 30) വരെയായിരുന്നു നോട്ട് മാറ്റിയെടുക്കാന് നേരത്തെ അനുവദിച്ചിരുന്ന സമയപരിധി.
3.42 ലക്ഷം കോടി രൂപ മൂല്യംവരുന്ന നോട്ടുകളായിരുന്നു പ്രചാരത്തിലുണ്ടായിരുന്നത്. ഇതില് 93 ശതമാനം നോട്ടുകളും സെപ്റ്റംബര് മാസം ഒന്നാം തീയതി തന്നെ തിരികെയെത്തിയെന്ന് റിസര്വ് ബാങ്ക് അറിയിച്ചിരുന്നു. മുഴുവന് തുകയും മടങ്ങിയെത്തിയേക്കാമെന്ന സാധ്യതകൂടി മുന്നില്കണ്ടാണ് സമയം നീട്ടിയതെന്നാണ് സൂചന.
