ഒരു കാലത്ത് ബോളിവുഡിലെ മിന്നും നായികയായിരുന്നു രവീണ ടാണ്ടന്. മികച്ച നടിക്കുളള ദേശീയ പുരസ്കാരം ഉള്പ്പെടെ നടി നേടിയിട്ടുണ്ട്.
അടുത്തിടെ ഒരു അഭിമുഖത്തില് താരം തനിക്ക രഹസ്യങ്ങളൊന്നുമില്ലെന്നും പഴയ പ്രണയ ബന്ധമടക്കം മക്കളോട് തുറന്നു പറഞ്ഞിട്ടുണ്ടെന്നും വെളിപ്പെടുത്തി.
രവീണയ്ക്ക് ഛായ, പൂജ എന്നിങ്ങനെ രണ്ട് ദത്തുപുത്രിമാരുണ്ട്. പിന്നീട്, ഭര്ത്താവ് അനില് തഡാനിയില് റാഷയും രണ്ബീര്വര്ധനും ജനിച്ചു. തന്റെ ജീവിതം ഒരു ‘തുറന്ന പുസ്തകം’ പോലെയാണ് മക്കള്ക്കെന്നും നടി പറഞ്ഞു.
തന്നെക്കുറിച്ച് പ്രചരിക്കുന്ന എല്ലാ ഗോസിപ്പുകളെക്കുറിച്ചും തനിക്ക് അറിയാമെന്നും രവീണ പറഞ്ഞു. ‘ തന്റെ ജീവിതം മക്കള്ക്ക് തുറന്ന പുസ്തകമാണ്. ഇല്ലെങ്കില്, നാളെ അവര് അതിനെക്കുറിച്ച് എവിടെയെങ്കിലും വായിക്കും. അതും മോശമായി എഴുതിപ്പിടിപ്പിച്ച എന്തെങ്കിലുമായിരിക്കും വായിക്കുക. കാരണം 90കളിലെ പത്രപ്രവര്ത്തനം എങ്ങനെയായിരുന്നുവെന്ന് നിങ്ങള്ക്കറിയാം. മഞ്ഞ പത്രപ്രവര്ത്തനം അതിന്റെ ഉച്ചസ്ഥായിയിലായിരുന്നു. അവര്ക്ക് ധാര്മ്മികതയും നീതിയുമൊന്നുമില്ലായിരുന്നു.”
മുന്കാലങ്ങളില് സെലിബ്രിറ്റികള് പത്രമാസികകളിലെ ‘എഡിറ്റര്മാരുടെ കാരുണ്യത്തില്” ആയിരുന്നു കഴിഞ്ഞത്. ഇന്ന് എഡിറ്റര്മാരുടെ സഹായമില്ലാതെ സെലിബ്രിറ്റികള്ക്ക് അവരുടെ കാര്യങ്ങള് പുറത്തുവിടാന് സാമൂഹ്യമാധ്യമങ്ങളിലൂടെ സാധിക്കും. ചില താരങ്ങള് പത്രക്കാരെ സ്വാധീനിച്ച് വാര്ത്തകള് പടച്ചുവിടുമായിരുന്നുവെന്നും രവീണ പറഞ്ഞു.90കളിലെ മാസികകള് തന്നെക്കുറിച്ച് മോശം ലേഖനങ്ങള് എഴുതിപ്പിടിപ്പിച്ചിട്ടുണ്ട്.
രവീണയുടെ പ്രണയങ്ങള്
1995-ല് മൊഹ്റയിലെ സഹനടനായ അക്ഷയ് കുമാറുമായി രവീണ ഡേറ്റിംഗ് തുടങ്ങി. 90-കളുടെ അവസാനം വിവാഹനിശ്ചയം വരെയെത്തി. എന്നാല് എന്തുകൊണ്ടോ ഇരുവരും വേര് പിരിഞ്ഞു. രവീണയുമായുള്ള ബന്ധം വേര്പെടുത്തിയതിന് ശേഷം അക്ഷയ് ഇന്റര്നാഷണല് ഖിലാഡിയിലെ സഹതാരം ട്വിങ്കിള് ഖന്നയുമായി ഡേറ്റിംഗ് നടത്തി. 2001-ല്, അക്ഷയ്-ട്വിങ്കിള് വിവാഹം നടന്നു,ഇപ്പോള് ആരവ്, നിതാര എന്നീ രണ്ട് കുട്ടികളുടെ മാതാപിതാക്കളാണ് ഇരുവരും.
രവീണ പിന്നീട് വ്യവസായി അനില് തഡാനിയുമായി പ്രണയത്തിലായി.റാഷയെ കൂടാതെ രണ്ബീര്വര്ധന് തഡാനി എന്ന മകനും ഈ ബന്ധത്തിലുണ്ട്.
രസകരമെന്നു പറയട്ടെ, അക്ഷയ്യും രവീണയു വീണ്ടും ഒന്നിക്കുകയാണ്.വെല്ക്കം ടു ദി ജംഗിള് എന്ന ചിത്രത്തിലാണ് താരങ്ങള് ഒരുമിക്കുന്നത്.
ദിഷാ പടാനി, ജാക്വലിന് ഫെര്ണാണ്ടസ്, ലാറ ദത്ത, സുനില് ഷെട്ടി, സഞ്ജയ് ദത്ത്, പരേഷ് റാവല്, അര്ഷാദ് വാര്സി, തുഷാര് കപൂര്, ശ്രേയസ് തല്പാഡെ, രാജ്പാല് യാദവ്, ജോണി ലിവര്, കിക്കു ശാരദ, കൃഷ്ണ അഭിഷേക്, രാഹുല് ദേവ്, ദെലര് മെഹന്ദി, മിക സിംഗ് എന്നിവരും അഭിനയിക്കുന്നു.
