ഹാങ്ഷു: ഏഷ്യന്‍ ഗെയിംസ് പുരുഷ ഹോക്കിയില്‍ ഇന്ത്യ സെമി ഫൈനലില്‍ കടന്നു.ഗ്രൂപ്പിലെ നാലാം മത്സരത്തില്‍ പാകിസ്ഥാനെ ഇന്ത്യ തകര്‍ത്തു. രണ്ടിനെതിരെ പത്തു ഗോളുകള്‍ക്കാണ് ഇന്ത്യയുടെ വിജയം. ആദ്യ പകുതിയില്‍ തന്നെ ഇന്ത്യ നാലു ഗോളുകള്‍ക്ക് മുന്നിലായിരുന്നു. എട്ടാം മിനുട്ടില്‍ മന്ദീപ് സിംഗാണ് ഇന്ത്യയുടെ ആദ്യ ഗോള്‍ നേടിയത്.
11, 17 മിനിട്ടുകളില്‍ ഹര്‍മന്‍പ്രീത് സിംഗ് ഇന്ത്യക്കായി ഗോള്‍ നേടി. 30ാം മിനിട്ടില്‍ സുമിത് ഗോള്‍ നേടിയതോടെ ഇന്ത്യക്ക് 4-0ന്റെ ലീഡ് ആയി.
ആദ്യ പകുതിക്ക് ശേഷമാണ് ഹര്‍മന്‍പ്രീത് രണ്ട് ഗോളുകള്‍ കൂടെ സ്‌കോര്‍ ചെയ്ത്. ഇതോടെ സ്‌കോര്‍ 6-0 എന്ന നിലയിലായി..41ാം മിനുട്ടില്‍ വരുണ്‍ കുമാര്‍റാണ് ഇന്ത്യയുടെ ഏഴാം ഗോള്‍ നേടിയത്.
ശംസേര്‍, ലളിത്, വരുണ്‍ കുമാര്‍ എന്നിവര്‍ കൂടെ ഗോള്‍ നേടിയതോടെ സ്‌കോര്‍ 10-2 എന്ന നിലയിലായി. നാലു മത്സരങ്ങളില്‍ ഒന്നില്‍ പോലും തോല്‍വിയറിയാതെ 12 പോയിന്റുമായി ഗ്രൂപ്പില്‍ ഒന്നാമതാണ് ഇന്ത്യ. പാകിസഥാന് ഒമ്പത് പോയിന്റാണുളളത്.
പ്രതികരിക്കാൻ ഇവിടെ എഴുതുക: