മ്യൂച്ചല്‍ ഫണ്ട്, ഡീമാറ്റ് അക്കൗണ്ട് എന്നിവയുമായി ബന്ധപ്പെട്ട സമയപരിധി നീട്ടി സെക്യൂരിറ്റിസ് എക്സചേഞ്ച് ബോർഡ് ഓഫ് ഇന്ത്യ (സെബി). ജനുവരി ഒന്ന് വരെയാണ് സമയപരിധി നീട്ടിയത്. മ്യൂച്ചല്‍ ഫണ്ട് നോമിനേഷന്‍ സെപ്റ്റംബര്‍ 30-നകം പൂര്‍ത്തിയാക്കണമെന്നായിരുന്നു നിര്‍ദ്ദേശിച്ചിരുന്നത്. അല്ലാത്തപക്ഷം ഫോളിയോ മരവിപ്പിക്കുമെന്നും മുന്നറിയിപ്പില്‍ വ്യക്തമാക്കിയിരുന്നു. എന്നാല്‍ നിക്ഷേപകരുടെ സൗകര്യാര്‍ഥം സമയപരിധി നീട്ടുകയായിരുന്നു.
ഫിസിക്കല്‍ സെക്യൂരിറ്റികള്‍( ഷെയര്‍ സര്‍ട്ടിഫിക്കറ്റുകള്‍) കൈയില്‍ ഉള്ളവര്‍ സെപ്റ്റംബര്‍ 30-നകം പാന്‍, നോമിനേഷന്‍, കോണ്‍ടാക്ട് വിശദാംശങ്ങള്‍, ബാങ്ക് അക്കൗണ്ട് വിവരങ്ങള്‍ അടക്കമുള്ള കെവൈസി വിശദാംശങ്ങള്‍ നല്‍കണമെന്ന് സെബി നിര്‍ദേശിച്ചിരുന്നു. അല്ലാത്തപക്ഷം ഫോളിയോ മരവിപ്പിക്കുമെന്നായിരുന്നു സെബിയുടെ മുന്നറിയിപ്പ്. ഇതിന്റെ സമയപരിധിയും ഡിസംബര്‍ 31 വരെ നീട്ടിയിട്ടുണ്ട്.
ഡീമാറ്റ് അക്കൗണ്ടുകളില്‍ നോമിനിയുടെ പേര് ചേര്‍ക്കുന്നതിനുള്ള സമയപരിധി ഡിസംബര്‍ 31 വരെയാണ് സെബി നീട്ടിയത്. നേരത്തെ ഇത് സെപ്റ്റംബര്‍ 30 ആയിരുന്നു. നോമിനിയെ തെരഞ്ഞെടുക്കുന്നതില്‍ നിക്ഷേപകന് കൂടുതല്‍ സമയം നല്‍കുന്നതിന്റെ ഭാഗമായാണ് നടപടി.
പ്രതികരിക്കാൻ ഇവിടെ എഴുതുക: