കോഴിക്കോട് : പുഴയില്‍ കുളിക്കാനിറങ്ങിയ പതിനാല് വയസുകാരന്‍ മുങ്ങി മരിച്ചു. കോഴിക്കോട് കക്കോടിയിലാണ് സംഭവം. കക്കോടി പുവ്വത്തൂര്‍ പാലനുകണ്ടിയില്‍ സരസന്റെ മകന്‍ കാര്‍ത്തികാണ് മരിച്ചത്.
കൂട്ടുകാര്‍ക്കൊപ്പം കുളിക്കാനിറങ്ങിയതായിരുന്നു കാര്‍ത്തിക്. ഒപ്പമുണ്ടായിരുന്ന മറ്റ് വിദ്യാര്‍ത്ഥികളാണ് വിവരം നാട്ടുകാരെ അറിയിച്ചത്.
നാട്ടുകാരും മുങ്ങല്‍ വിദഗ്ധരും നടത്തിയ തെരച്ചിലിലാണ് മൃതദേഹം കണ്ടെത്തിയത്. പോസ്റ്റ് മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുകൊടുക്കും.
പ്രതികരിക്കാൻ ഇവിടെ എഴുതുക: