ഭോപാല്‍ : മധ്യപ്രദേശിലെ ഉജ്ജയിനിൽ ബലാത്സംഗത്തിനിരയായി ചോരയെലിച്ച് അർധനഗ്നയായെത്തിയ 12 വയസുകാരിയെ ആട്ടിപ്പായിച്ച് പ്രദേശവാസികൾ. രക്തം വാര്‍ന്ന നിലയില്‍ അർദ്ധനഗ്നയായി പെൺകുട്ടി വീടുകൾ തോറും കയറിയിറങ്ങി സഹായം അഭ്യർഥിച്ച് നടക്കുന്ന ദൃശമാണ് പുറത്തുവന്നത്. അവസാനം രക്ഷകനായി എത്തിയത് സമീപവാസിയായ സന്യസിയാണ്. അദ്ദേഹം ഉടുക്കാന്‍ വസ്ത്രങ്ങള്‍ നല്‍കി പെണ്‍കുട്ടിയെ ആശുപത്രിയില്‍ എത്തിക്കുകയായിരുന്നു.
ഉജ്ജയിനിൽ നിന്ന് 15 കിലോമീറ്റർ അകലെ ബാഗ്നഗർ റോഡിലെ സിസിടിവിയിലാണ് ദൃശം ലഭിച്ചത്. പെൺകുട്ടി ബലാത്സംഗത്തിനിരയായതായി പോലീസ് സ്ഥിരീകരിച്ചിട്ടുണ്ട്. ഒരു തുണി കഷ്ണംകൊണ്ട് ശരീരം മറച്ച് അലഞ്ഞു നടന്ന കുട്ടി ആശ്രമത്തിലെത്തുകയായിരുന്നു. പരിക്ക് ഗുരുതരമായതിനാല്‍ പെണ്‍കുട്ടിയെ പിന്നീട് ഇന്‍ഡോറിലെ ആശുപത്രിയിലേക്ക് മാറ്റി. കുട്ടിക്ക് രക്തം ആവശ്യമായി വന്നതിനെ തുടര്‍ന്ന് രക്തം ദാനം ചെയ്യാന്‍ പോലീസ് ഉദ്യോഗസ്ഥര്‍ മുന്നോട്ടുവന്നതെന്നും നിലവില്‍ കുട്ടിയുടെ ആരോഗ്യ നില തൃപ്തികരമാണെന്നും പോലീസ് അറിയിച്ചു.
പ്രതിയെ എത്രയും വേഗം കണ്ടെത്തുമെന്നും അതിനായി പ്രത്യേക സംഘത്തെ നിയോഗിച്ചിട്ടുണ്ടെന്നും ഉജ്ജയിയിൻ പോലീസ് മേധാവി സച്ചിൻ ശർമ അറിയിച്ചു.
പ്രതികരിക്കാൻ ഇവിടെ എഴുതുക: