കോഴിക്കോട്: മിച്ചഭൂമി കേസില് എംഎല്എ പി വി അന്വറിന് തിരിച്ചടി. ഭൂപരിധി ലംഘിച്ചുള്ള 6.25 ഏക്കര് ഭൂമി തിരിച്ച് പിടിക്കാന് താമരശ്ശേരി താലൂക്ക് ലാന്ഡ് ബോര്ഡ് ഉത്തരവിട്ടു. ഒരാഴ്ചയ്ക്കകം നടപടി പൂര്ത്തിയാക്കാനാണ് താമരശ്ശേരി താലൂക്ക് ലാന്ഡ് ബോര്ഡ് നിര്ദേശിച്ചിരിക്കുന്നത്. ഇത് ചെയ്തില്ലെങ്കില് റവന്യൂ റിക്കവറി നടപടിയിലേക്ക് നീങ്ങും.
പി.വി അന്വറിനെതിരെ മലപ്പുറം സ്വദേശിയായ വിവരാവകാശ പ്രവര്ത്തകന് ഷാജിയാണ് ലാന്ഡ് റവന്യൂ ബോര്ഡില് പരാതി നല്കിയത്.
അന്വറും ഭാര്യയും ചേര്ന്ന് പീവിയാര് എന്റര്ടെയ്ന്മെന്റ് എന്ന പേരില് പങ്കാളിത്ത സ്ഥാപനം തുടങ്ങിയത് ഭൂപരിഷ്കരണ നിയമം മറികടക്കാന് വേണ്ടിയാണെന്നാണ് റിപ്പോര്ട്ടില് പറയുന്നത്. അന്വറിന്റെ പക്കല് 15 ഏക്കറോളം മിച്ചഭൂമി ഉണ്ടെന്നും ഈ ഭൂമി സര്ക്കാരിന് വിട്ട് നല്കാന് നിര്ദ്ദേശം നല്കാവുന്നതാണെന്നും ഓതറൈസഡ് ഓഫീസര് താലൂക്ക് ലാന്ഡ് ബോര്ഡിന് സമര്പ്പിച്ച റിപ്പോര്ട്ടിലുണ്ടായിരുന്നു.
പി.വി അന്വറിനെതിരെ മലപ്പുറം സ്വദേശിയായ വിവരാവകാശ പ്രവര്ത്തകന് ഷാജിയാണ് ലാന്ഡ് റവന്യൂ ബോര്ഡില് പരാതി നല്കിയത്.
