മട്ടന്നൂർ: പതിനഞ്ചുകാരിക്ക് മദ്യം നൽകിയ ശേഷം പീഡിച്ച കേസിൽ പ്രതിയ്‌ക്ക് ജീവപര്യന്തം തടവ് വിധിച്ച് കോടതി. കുട്ടിയുടെ രണ്ടാനമ്മയുടെ പിതാവിനെ ജീവപര്യന്തം തടവിനും 1,57,000 രൂപ പിഴയടയ്‌ക്കാനും മട്ടന്നൂർ പോക്സോ അതിവേഗ കോടതി ശിക്ഷിച്ചു. ഇതിന് പുറമേ വിവിധ വകുപ്പുകളിൽ 43 വർഷം തടവിനും കോടതി വിധിച്ചിട്ടുണ്ട്. സംഭവത്തിന് കൂട്ടുനിന്ന രണ്ടാനമ്മയുടെ മാതാവിന് 48 വർഷം തടവും 1,35,000 രൂപ പിഴയും ശിക്ഷ വിധിച്ചു.
പീഡന വിവരം മറച്ചുവെച്ച കുട്ടിയുടെ രണ്ടാനമ്മയ്‌ക്ക് കോടതി കഴിയുന്നത് വരെയും തടവും 5,000 രൂപ പിഴ അടയ്‌ക്കാനും മട്ടന്നൂർ പോക്സോ കോടതി ജഡ്ജി അനിറ്റ് ജോസഫ് ശിക്ഷ വിധിച്ചു. 2019-ൽ കരിക്കോട്ടക്കരി പോലീസ് രജിസ്റ്റർ ചെയ്ത കേസിലാണ് ശിക്ഷ വിധിച്ചത്. കുട്ടിയെ വീട്ടിൽവെച്ച് രണ്ടാനമ്മയുടെ മാതാപിതാക്കൾ ചേർന്ന് മദ്യം നൽകി പീഡിപ്പിച്ചെന്നാണ് കേസ്. പിഴത്തുകയിൽ 2,50,000 ഇരയ്‌ക്ക് നഷ്ടപരിഹാരമായി നൽകണം.
പ്രതികരിക്കാൻ ഇവിടെ എഴുതുക: