ഹുവാന്‍ഷു: ഏഷ്യന്‍ ഗെയിംസ് ഫുട്ബാളില്‍ തങ്ങളുടെ ആദ്യ മത്സരത്തില്‍ ചൈനീസ് തായ്‌പെയ്‌ക്കെതിരെ പൊരുതി കീഴടങ്ങി ഇന്ത്യന്‍ വനിതകള്‍.ആദ്യം ലീഡ് നേടിയെങ്കിലും അവസാന നിമിഷം ടീം തോല്‍വി വഴങ്ങി. ഒന്നിനെതിരെ രണ്ട് ഗോളുകള്‍ക്കാണ് ഇന്ത്യയുടെ പരാജയം.
അഞ്ജു തമങ് ഇന്ത്യക്കായി ഗോള്‍ നേടിയപ്പോള്‍ ചിന്‍ ലായും യു-ഹ്‌സാന്‍ സുവും തായ്‌പെയ്‌ക്ക് വേണ്ടി മറുപടി ഗോളുകള്‍ കണ്ടെത്തി. തായ്ലന്റാണ് അടുത്ത മത്സരത്തില്‍ ഇന്ത്യയുടെ എതിരാളി.
ആദ്യ പകുതി ഗോള്‍ രഹിതമായിരുന്നു.രണ്ടാം പകുതി തുടങ്ങിയ ഉടന്‍ ഇന്ത്യ വല കുലുക്കി. 69ാം മിനിറ്റില്‍ ലായ് ചിന്‍-ലായുടെ ലോങ് റേഞ്ചറിലൂടെ തായ്‌പെയ് സമനില ഗോള്‍ കണ്ടെത്തി.പിന്നീട് 84ാം മിനിറ്റില്‍ തായ്‌പെയ് വിജയ ഗോളും നേടി.
പ്രതികരിക്കാൻ ഇവിടെ എഴുതുക