എറണാകുളം: കലൂർ ജവഹർലാൽ നെഹ്‌റു സ്റ്റേഡിയത്തിൽ നടക്കുന്ന ഇന്ത്യൻ സൂപ്പർ ലീഗ് മത്സരവുമായി ബന്ധപ്പെട്ട് കൊച്ചി മെട്രോ ഇന്ന് അധിക സർവീസുകൾ നടത്തും. ഇന്ന് 30 അധിക സർവീസുകളാണ് ഇന്ന് കൊച്ചി മെട്രോ നടത്തുന്നത്. ഗതാഗതക്കുരുക്ക് ഒഴിവാക്കുന്നതിനായി കൊച്ചി മെട്രോ സ്‌റ്റേഷനുകളിലെ പേ ആൻഡ് പാർക്ക് സൗകര്യവും ഉപയോഗപ്പെടുത്താനാകും. തൃശൂർ, മലപ്പുറം ഭാഗത്ത് നിന്ന് വരുന്നവർക്ക് ആലുവ മെട്രോ സ്‌റ്റേഷനിലെ പാർക്കിംഗ് സ്ഥലത്ത് ബസുകളും കാറുകളും പാർക്ക് ചെയ്തതിന് ശേഷം മെട്രോയിൽ സ്‌റ്റേഡിയം ഭാഗത്തേക്ക് യാത്ര ചെയ്യാനാകും. അമ്പത് കാറുകളും പത്ത് ബസുകളും ഓരേ സമയം പാർക്ക് ചെയ്യുന്നതിനുള്ള സൗകര്യമാണ് ആലുവ സ്റ്റേഷനിൽ ഉള്ളത്.
പറവൂർ, കൊടുങ്ങല്ലൂർ ദേശീയപാതയിലൂടെ 66-ൽ എത്തുന്നവർക്ക് ഇടപ്പള്ളി മെട്രോ സ്റ്റേഷന് സമീപത്തുള്ള പാർക്കിംഗിൽ വാഹനം പാർക്ക് ചെയ്യാനാകും. ശേഷം മെട്രോയിൽ ജെഎൽഎൻ സ്‌റ്റേഡിയം സ്‌റ്റേഷനിലെത്താനാകും. 15 ബസുകളും 30 കാറുകളും പാർക്ക് ചെയ്യാനുള്ള സൗകര്യം ഇടപ്പള്ളിയിലുണ്ട്. ആലപ്പുഴ, തിരുവനന്തപുരം എന്നിവിടങ്ങളിൽ നിന്നും റോഡിലൂടെ എത്തുന്നവർക്ക് വൈറ്റിലയിൽ നിന്നും മെട്രോയിലൂടെ യാത്ര ചെയ്യാം. കോട്ടയം, ഇടുക്കി മേഖലയിൽ നിന്നും എത്തുവർരക്ക് എസ്എൻ ജംഗ്ഷൻ, വടക്കേക്കോട്ട എന്നീ സ്‌റ്റേഷനുകളിൽ നിന്നും സേവനം ഉപയോഗിക്കാം. രാത്രി പത്ത് മുതൽ മെട്രോയുടെ ടിക്കറ്റ് നിരക്കിലും 50 ശതമാനം ഇളവുണ്ട്.
പ്രതികരിക്കാൻ ഇവിടെ എഴുതുക: