ബെംഗളൂരു: ഏഷ്യന്‍ ഗെയിംസിനായി ഭാരത ഹോക്കി ടീം ചൈനയിലെ ഹാങ്ഷൂവിലേക്ക് തിരിച്ചു. ഇന്നലെ ബെംഗളൂരുവില്‍ നിന്നാണ് ടീം മെഡല്‍ പ്രതീക്ഷയോടെ ചൈനീസ് നഗരത്തിലേക്ക് യാത്ര തിരിച്ചത്.
24ന് ഉസ്‌ബെകിസ്ഥാനെതിരെയാണ് ഭാരതത്തിന്റെ ആദ്യ മത്സരം. പൂള്‍ എയില്‍ ഉള്‍പ്പെട്ട ഭാരതത്തിനൊപ്പം മറ്റ് നാല് ടീമുകള്‍ കൂടിയുണ്ട്. പാകിസ്ഥാന്‍, ജപ്പാന്‍, ബംഗ്ലാദേശ്, സിംഗപ്പൂര്‍ ഉസ്‌ബെക്കിസ്ഥാന്‍ എന്നിവയാണ് മറ്റ് ടീമുകള്‍. പൂള്‍ ബിയില്‍ ഉള്‍പ്പെടുന്നവര്‍ കൊറിയ, മലേഷ്യ, ചൈന, ഒമാന്‍, തായ്‌ലാന്‍ഡ്, ഇന്തോനേഷ്യ എന്നിവയാണ്.
റൗണ്ട് റോബിന്‍ പ്രകാരമുള്ള പോരാട്ടത്തിനൊടുവില്‍ ഏറ്റവും മുന്നിലെത്തുന്ന രണ്ട് ടീമുകള്‍ സെമിയിലേക്ക് മുന്നേറും.
ഹര്‍മന്‍പ്രീത് സിങ്ങിന്റെ നേതൃത്വത്തിലുള്ള ഭാരത ടീം ആവേശത്തിലാണ്. അടുത്തിടെ നടന്ന ഏഷ്യന്‍ ചാമ്പ്യന്‍സ് ട്രോഫിയില്‍ ടീം അത്യുഗ്രന്‍ പ്രകടനമികവോടെയാണ് കിരീടം നേടിയത്. അതിന്റെ കരുത്തുമായാണ് ഹര്‍മന്‍ പ്രീതും സംഘവും യാത്ര തിരിച്ചിരിക്കുന്നത്.
പ്രതികരിക്കാൻ ഇവിടെ എഴുതുക: