തിരുവനന്തപുരം:മന്ത്രിസഭ പുനഃസംഘടന ഉണ്ടാവും എന്നത് മാധ്യമങ്ങളുടെ സൃഷ്ടിയാണെന്ന് മുഖ്യമന്ത്രി പിണറായി വിജയന് പറഞ്ഞു. ഇടതുമുന്നണിയില് ഈ വിഷയത്തില് ഒരു ചര്ച്ചയുമുണ്ടായിട്ടില്ല. മുന്കൂട്ടി എന്തെങ്കിലും തീരുമാനിച്ചിട്ടുണ്ടെങ്കില് അത് കൃത്യസമയത്ത് തന്നെ നടപ്പിലാക്കും.
ചില സ്ഥാനങ്ങള്ക്ക് വേണ്ടി ചിലര് ഗൂഡനീക്കങ്ങള് നടത്തിയെന്നതൊക്കെ പുറത്തുവന്ന കാര്യമാണല്ലോ എന്നും ഉമ്മന്ചാണ്ടിക്കെതിരെ സോളാര് കേസില് കെ ബി ഗണേഷ്കുമാര് ഗൂഡാലോചന നടത്തിയെന്ന വാര്ത്തയെ കുറിച്ച് മുഖ്യമന്ത്രി പ്രതികരിച്ചു. മകളുടെ കമ്പനി സേവനം നല്കിയ സി എം ആര് എല് സി എഫ് ഒയെ താന് കണ്ടിട്ടില്ലെന്നും പിണറായി പറഞ്ഞു.
തന്നെയും കുടുംബത്തെയും താറടിക്കാന് ശ്രമം നേരത്തേയുണ്ട്. അതിനിയും തുടരാമെന്നും പിണറായി പറഞ്ഞു.
പുതുപ്പള്ളിയിലെ വിജയത്തെ കുറിച്ച് എല്ലാവരും ചര്ച്ച ചെയ്തുകഴിഞ്ഞതാണെന്നും വ്യത്യസ്തമായൊരു വിലയിരുത്തല് തനിക്കില്ലെന്നും പിണറായി വിജയന് പറഞ്ഞു. പുതുപ്പള്ളിയില് ഉമ്മന്ചാണ്ടിയുടെ വിയോഗത്തിന് പിന്നാലെയുള്ള പ്രത്യേക സാഹചര്യമായിരുന്നു. അത് തെരഞ്ഞെടുപ്പ് ഫലത്തിലും പ്രതിഫലിച്ചു.
