തൃശൂര്: കരുവന്നൂര് ബാങ്ക് തട്ടിപ്പില് പ്രതിഷേധിച്ച് നടന് സുരേഷ് ഗോപി പദയാത്ര നടത്തുന്നു. ഗാന്ധി ജയന്തി ദിനമായ ഒക്ടോബര് രണ്ടിനാണ് പദയാത്ര നടത്തുക. കരുവന്നൂര് ബാങ്ക് മുതല് തൃശൂര് സഹകരണ ബാങ്ക് വരെയാകും കാല്നടയാത്ര.
കരുവന്നൂര് ബാങ്ക് തട്ടിപ്പില് സി പി എം ആണ് പ്രതിക്കൂട്ടില്. സംസ്ഥാന കമ്മിറ്റി അംഗങ്ങളായ എം കെ കണ്ണന് , മുന് മന്ത്രി കൂടിയായ എ സി മൊയ്തീന് എന്നിവരും ആരോപണ വിധേയരാണ്. മൊയ്തീന് മുന് മന്ത്രി കൂടിയാണ്. കഴിഞ്ഞ ദിവസവും എന്ഫോഴ്സ്മന്റ് ഡയറക്ടറേറ്റ് കേസുമായി ബന്ധപ്പെട്ട തൃശൂരിലെ വിവിധ സഹകരണ ബാങ്കുകളിലും എറണാകുളത്തും റെയ്ഡ് നടത്തിയിരുന്നു.
ജീവകാരുണ്യ പ്രവര്ത്തനങ്ങളും വലിയ തോതില് നടത്തുന്നയാളാണ് സുരേഷ് ഗോപി. 2019ലെ ലോക്സഭാ തെരഞ്ഞെടുപ്പില് തൃശൂരില് എന്ഡിഎ സ്ഥാനാര്ഥിയായിരുന്നു താരം. വിജയിക്കാനായില്ലെങ്കിലും മണ്ഡലത്തില് സജീവമാണ് രാജ്യസഭയിലെ മുന് എം പി കൂടിയായ താരം. 2021ലെ നിയമസഭാ തെരഞ്ഞെടുപ്പില് മികച്ച പ്രകടനം കാഴ്ചവച്ചിരുന്നു.
