റിസര്വ് ബാങ്ക് ഓഫ് ഇന്ത്യ(ആര്ബിഐ) അസിസ്റ്റന്റ് തസ്തികയിലേക്ക് അപേക്ഷകള് ക്ഷണിച്ചു. ഒക്ടോബര് നാല് വരെ അപേക്ഷിക്കാം. 450 ഒഴിവുകളാണ് ഉള്ളത്. 20 വയസ്സിനും 28 വയസ്സിനും ഇടയില് പ്രായമുള്ളവര്ക്ക് അപേക്ഷിക്കാം. സര്ക്കാര് നിയമപ്രകാരം സംവരണ വിഭാഗത്തില്പ്പെട്ടവര്ക്ക് പ്രായപരിധിയില് ഇളവ് ലഭിക്കും. പ്രിലിമിനറി, മെയിന് പരീക്ഷകള്, ഭാഷാ നൈപുണ്യമറിയുന്നതിനുള്ള പരീക്ഷ എന്നിവയുള്പ്പടെ പലഘട്ടങ്ങളിലായിട്ടായിരിക്കും തെരഞ്ഞെടുപ്പ്. പ്രിലിമിനറി പരീക്ഷയില് റീസണിങ് എബിലിറ്റി, ന്യൂമറിക്കല് എബിലിറ്റി, ഇംഗ്ലീഷ് ഭാഷാ വൈദഗ്ധ്യം എന്നിവയാണ് വിലയിരുത്തുക.
opportunities.rbi.org.in എന്ന ഔദ്യോഗിക വെബ്സൈറ്റ് സന്ദര്ശിക്കുക. റിക്രൂട്ട്മെന്റ് ഫോര് പോസ്റ്റ് ഓഫ് അസിസ്റ്റന്റ് 2023 എന്ന ലിങ്കില് ക്ലിക്ക് ചെയ്യുക. പിഡിഎഫ് ഫയല് ഉള്പ്പടെ പുതിയതായി ഒരു പേജ് തുറന്നുവരും. ഇതില് അപ്ലൈ ഓണ്ലൈന് എന്ന ലിങ്കില് ക്ലിക്ക് ചെയ്യുക.തുടര്ന്ന രജിസ്റ്റര് ചെയ്യുക. ആപ്ലിക്കേഷന് നമ്പറും ജനനതീയതിയും വെച്ച് ലോഗ് ഇന് ചെയ്യാവുന്നതാണ്.
ആവശ്യമായ വിവരങ്ങള് നല്കി ഇതിലുള്ള അപേക്ഷ പൂര്ണമായും പൂരിപ്പിക്കുക. ഫീസ് അടച്ച് അപേക്ഷാ ഫോം സമര്പ്പിക്കാവുന്നതാണ്.
ജനറല് കാറ്റഗറി വിഭാഗത്തില് ഉദ്യോഗാര്ഥികള് 450 രൂപ ഫീസ് നല്കണം. സംവരണ വിഭാഗത്തില് 50 രൂപയാണ് അപേക്ഷാ ഫീസ്. ഏതെങ്കിലും വിഷയത്തില് 50 ശതമാനം മാര്ക്കോടെ ബിരുദമാണ് അപേക്ഷാ യോഗ്യത. എസ്സി, എസ്ടി, പിഡബ്ല്യൂബിഡി വിഭാഗത്തിലെ ഉദ്യോഗാര്ഥികള്ക്ക് ബിരുദത്തില് പാസ് മാര്ക്ക് മതി.
