ഗതാഗത സംവിധാനങ്ങളും ഡിജിറ്റല്‍ പേയ്‌മെന്റും ഒന്നിക്കാനൊരുങ്ങുന്നതായി റിപ്പോര്‍ട്ട്. ഇന്ധനം നിറയ്‌ക്കുമ്പോള്‍ കാര്‍ സ്വയം പണം നല്‍കുന്ന സംവിധാനം വൈകാതെ യാഥാര്‍ത്ഥ്യമാകും. ‘പേ ബൈ കാര്‍’ എന്ന സാങ്കേതിക വിദ്യയാണ് ഇതിന സഹായിക്കുന്നത്. കാര്‍ഡും മൊബൈല്‍ഫോണും കൈവശമില്ലെങ്കിലും പെട്രോള്‍ പമ്പില്‍ പണം നല്‍കാനാകാന്‍ കഴിയും.
ആമസോണും മാസ്റ്റര്‍കാര്‍ഡും ചേര്‍ന്ന് രൂപംനല്‍കിയ ‘ടോണ്‍ ടാഗ് ‘എന്ന കമ്പനിയാണ് ഇതിനായുള്ള പരീക്ഷണത്തിനൊരുങ്ങുന്നത്. യുപിഐ അടിസ്ഥാനമാക്കിയാണ് ഇതിനുള്ള സാങ്കേതികവിദ്യ തയ്യാറാക്കുന്നത്. കാറിന്റെ ഇന്‍ഫോടെയ്ന്‍മെന്റ് സംവിധാനവുമായി ബന്ധിപ്പിച്ചായിരിക്കും ഇടപാട് സാധ്യമാക്കുക.
ഫ്യുവല്‍ സ്‌റ്റേഷനിലെ സ്റ്റാഫിനെ സൗണ്ട് ബോക്‌സ് വഴി കാറിന്റെ സാന്നിധ്യം അറിയിക്കും. എത്രരൂപയുടെ ഇന്ധനമാണ് നിറയ്‌ക്കേണ്ടതെന്ന് കാര്‍ ഓടിക്കുന്നയാള്‍ക്ക് സ്‌ക്രീനില്‍ അടിച്ചുനല്‍കാം. ഇക്കാര്യം സൗണ്ട് ബോക്‌സിലൂടെ പമ്പിലും അറിയിക്കും. കാറിന്റെ ഫാസ്ടാഗ് റീച്ചാര്‍ജ് ചെയ്യാനും ഈ സംവിധാനം ഉപയോഗിക്കാനാകും. നേരത്തെ ഭാരത് പെട്രോളിയവുമായി ചേര്‍ന്ന് എംജി ഹെക്ടര്‍ ഈ സാങ്കേതികവിദ്യ പരീക്ഷണാടിസ്ഥാനത്തില്‍ അവതരിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: