തിരുവനന്തപുരം: എഐ ക്യാമറ അഴിമതി ആരോപണം നിയമസഭയില് ഉന്നയിച്ച് പ്രതിപക്ഷം. മുഖ്യമന്ത്രിയുടെ മകനുമായി അടുത്ത ബന്ധമുള്ളവര്ക്ക് അഴിമതിയില് പങ്കാളിത്തമുണ്ടെന്ന് പി.സി.വിഷ്ണുനാഥ് എംഎൽഎ ആരോപിച്ചു. മോഷ്ടിക്കാന് ക്യാമറ വയ്ക്കുന്ന സംസ്ഥാനത്തെ ആദ്യ പദ്ധതിയാണിതെന്നും വിഷ്ണുനാഥ് പരിഹസിച്ചു.
ധനവകുപ്പിന്റെ ഉത്തരവിന് വിരുദ്ധമായാണ് വ്യവസായ വകുപ്പ് കെല്ട്രോണിന് അനുമതി നല്കിയത്. സാങ്കേതിക പരിജ്ഞാനം പോലുമില്ലാത്ത എസ്ആര്ഐടിയെ കെല്ട്രോണ് കരാര് ഏല്പ്പിച്ചു. ടെന്ഡര് വ്യവസ്ഥകളെല്ലാം മറികടന്നാണ് പദ്ധതിയുമായി മുന്നോട്ട് പോയത്. ഉപകരാര് ഏറ്റെടുത്ത മറ്റ് കമ്പനികളും അഴിമതി പ്രവര്ത്തിച്ചു. പ്രസാദിയോ അടക്കം ഉപകരാറെടുത്ത കമ്പനികളുമായി മുഖ്യമന്ത്രി മകനും കുടുംബത്തിനും ബന്ധമുണ്ടെന്നും വിഷ്ണുനാഥ് പറഞ്ഞു.
‘‘വീടുകള്ക്കും സ്ഥാപനങ്ങള്ക്കും മുന്നില് മോഷണം തടയാനാണ് ക്യാമറ വയ്ക്കുന്നത്. എന്നാല് മോഷ്ടിക്കാന് വേണ്ടി ക്യാമറ വച്ച ലോകത്തെ ആദ്യത്തെ സര്ക്കാരാണ് പിണറായി വിജയന് സര്ക്കാര്. പദ്ധതിക്കായി കെല്ട്രോണിനെ ചുമതലപ്പെടുത്തിയപ്പോള് ധനകാര്യവകുപ്പ് നോണ് പിഎംസി വര്ക്കാണെന്ന് വ്യക്തമാക്കിയിരുന്നു. എന്നാല് ധനവകുപ്പിന്റെ ഉത്തരവിനു വിരുദ്ധമായി കെല്ട്രോണിനെ പിഎംസി വര്ക്കാണെന്ന് വ്യക്തമാക്കിയിരുന്നു. എന്നാല് ധനവകുപ്പിന്റെ ഉത്തരവിനു വിരുദ്ധമായി കെല്ട്രോണിനെ പിഎംസി വര്ക്കാണ് ഇപ്പോള് ഏല്പ്പിച്ചിരിക്കുന്നതെന്നും വിഷ്ണുനാഥ് പറഞ്ഞു.
അതേസമയം മുഖ്യമന്ത്രിയുടെ മകനെതിരായ പരാമര്ശം സഭാ രേഖകളില്നിന്ന് നീക്കണമെന്ന് മന്ത്രി കെ.എന്.ബാലഗോപാല് ആവശ്യപ്പെട്ടു. ഇക്കാര്യം പരിഗണിക്കാമെന്ന് സ്പീക്കര് അറിയിച്ചു.
