ന്യൂദല്ഹി: ജൈവവൈവിധ്യ നഷ്ടം, മരുഭൂകരണം, വരൾച്ച, ഭൂമിയുടെ നശീകരണം, മലിനീകരണം, ഭക്ഷ്യ അരക്ഷിതാവസ്ഥ, ജലക്ഷാമം എന്നിവ നേരിട്ടുകൊണ്ട് ആരോഗ്യകരമായ ആവാസവ്യവസ്ഥ രൂപവല്ക്കരിക്കാന് ജി20 ഉച്ചകോടിയില് ധാരണ. എല്ലാ ആവാസവ്യവസ്ഥകളുടെയും 30% എങ്കിലും നാശനഷ്ടങ്ങള് 2030-ഓടെ നികത്താന് ശ്രമിക്കുമെന്ന് 18ാമത് ജി20 ഉച്ചകോടിയിലെ ദല്ഹി പ്രഖ്യാപനം പ്രതിജ്ഞയെടുക്കുന്നു. ഭൂമിയുടെ നശീകരണ തോത് കുറയ്ക്കുന്നതിനുള്ള ശ്രമങ്ങളും ശക്തിപ്പെടുത്തും.
കുൻമിംഗ്-മോൺട്രിയൽ ഗ്ലോബൽ ബയോഡൈവേഴ്സിറ്റി ഫ്രെയിംവർക്ക് (GBF) വേഗത്തില് നടപ്പാക്കാന് ശ്രമിക്കും, 2030-ഓടെ ജൈവവൈവിധ്യ നഷ്ടം തടയാമെന്ന ലക്ഷ്യത്തോടെയുടെ പ്രവര്ത്തനങ്ങള് നടത്തും. എല്ലാ ഉറവിടങ്ങളിൽ നിന്നും മെച്ചപ്പെട്ട സാമ്പത്തിക സ്രോതസ്സുകൾ നേടിയെടുക്കാന് ആഗോള ജൈവവൈവിധ്യ ചട്ടക്കൂട് ഫണ്ട് (GEF) ഞങ്ങൾ സ്വാഗതം ചെയ്യും.- ജി20 ഉച്ചകോടി പറയുന്നു.
2040 ഓടെ സ്വമേധയാ ഭൂമിയുടെ നശീകരണം 50% കുറയ്ക്കാനുള്ള ജി 20 ലക്ഷ്യങ്ങളെ പിന്തുണയ്ക്കും. ഗാന്ധിനഗർ നിർവഹണ കർമ പദ്ധതിയിലെ ചർച്ചകളും ഗാന്ധിനഗർ ഇൻഫർമേഷൻ പ്ലാറ്റ്ഫോമും പിന്തുടരും. വനങ്ങൾ നിർണായകമായ ആവാസവ്യവസ്ഥ സേവനങ്ങൾ നൽകുന്നുവെന്നും ആഗോളതലത്തിലും പ്രാദേശികമായും കാലാവസ്ഥാ ആവശ്യങ്ങൾക്കായി പരിസ്ഥിതി, കാലാവസ്ഥ, മനുഷ്യർ എന്നിവയുടെ തലങ്ങളിൽ സിങ്കുകളായി പ്രവർത്തിക്കുന്ന കാര്യത്തെക്കുറിച്ച് കൂടുതല് തിരിച്ചറിവ് നല്കും. വനങ്ങളെ സംരക്ഷിക്കുന്നതിനും സുസ്ഥിരമായി കൈകാര്യം ചെയ്യുന്നതിനും വനനശീകരണം ചെറുക്കുന്നതിനും, അന്തർദേശീയമായി അംഗീകരിച്ച സമയക്രമങ്ങൾക്ക് അനുസൃതമായി ശ്രമങ്ങൾ വർദ്ധിപ്പിക്കും. സുസ്ഥിര വികസനത്തിന് ഈ പ്രവർത്തനങ്ങളുടെ സംഭാവനകൾ എടുത്ത് കാട്ടിക്കൊണ്ട്, പ്രാദേശിക-തദ്ദേശീയരായ ജന സമൂഹങ്ങളുടെ സാമൂഹികവും സാമ്പത്തികവുമായ വെല്ലുവിളികൾ കണക്കിലെടുത്തു പ്രവർത്തിക്കും. വനങ്ങളുടെ പശ്ചാത്തലത്തിൽ, WTO ചട്ടങ്ങൾക്കും ബഹുമുഖ പാരിസ്ഥിതിക കരാറുകൾക്കും അനുസൃതമായി ഹരിത സാമ്പത്തിക നയങ്ങളിലെ വിവേചനം ഒഴിവാക്കും. വനങ്ങൾക്കുള്ള പുതിയ-അധിക ധനസഹായം സമാഹരിക്കും.- ജി20 ദല്ഹി പ്രഖ്യാപനം പറയുന്നു.
കാട്ടുതീ തടയുന്നതിനും ലഘൂകരിക്കുന്നതിനും ഖനനം മൂലം നശിച്ച ഭൂമിയുടെ പരിഹാരത്തിനും ജി20 പ്രതിജ്ഞാബദ്ധമാണെന്ന് ദല്ഹി പ്രഖ്യാപനം പറയുന്നു. ജലത്തെക്കുറിച്ചുള്ള മികച്ച മാതൃകകൾ പങ്കിടുന്നതിനും ആഗോള സഹകരണം വർദ്ധിപ്പിക്കുന്നതിനും ആഹ്വാനം ചെയ്യുമെന്നും യുഎൻ ജല സമ്മേളനം 2023 ഉം ജലത്തെ സംബന്ധിച്ച ജി 20 ചർച്ചകളെ സ്വാഗതം ചെയ്യുമെന്നും ജി20 ദല്ഹി പ്രഖ്യാപനം പറയുന്നു.
