ചെന്നൈ : തമിഴ്‌നാട് കായിക മന്ത്രി ഉദയനിധി സ്റ്റാലിന്‍ സനാതന ധര്‍മ്മത്തിനെതിരെ നടത്തിയ പരാമര്‍ശത്തിനെതിരെ പ്രതികരിച്ച ബിജെപി ഐടി സെല്‍ മേധാവി അമിത് മാളവ്യയ്‌ക്കെതിരെ തമിഴ്‌നാട് പൊലീസ് കേസെടുത്തു. അമിത് മാളവ്യ ഉദയനിധി സ്റ്റാലിന്റെ പ്രസ്താവന വളച്ചൊടിച്ചുവെന്നാണ് ആരോപണം .
തിരുച്ചിറപ്പള്ളി ജില്ലയിലെ ഡിഎംകെ പ്രവര്‍ത്തകന്‍ അഭിഭാഷകനായ കെ എ വി ദിനകരനാണ് ട്രിച്ചി സിറ്റി പൊലീസ് കമ്മീഷണര്‍ക്ക് പരാതി നല്‍കിയത്. ഉദയനിധിയുടെ പരാമര്‍ശങ്ങള്‍ ബോധപൂര്‍വം വളച്ചൊടിച്ചതിനും വിവിധ വിഭാഗങ്ങള്‍ക്കിടയില്‍ ഭിന്നത സൃഷ്ടിച്ചതിനുമാണ് കേസ്.
സാധാരണക്കാരെ കൂട്ടക്കൊല ചെയ്യാന്‍ ഉദയനിധി സ്റ്റാലിന്‍ ആഹ്വാനം ചെയ്തിട്ടില്ല. സനാതന ധര്‍മ്മത്തിലെ ജാതിയുടെയും മതത്തിന്റെയും അടിസ്ഥാനത്തിലുള്ള വിവേചനമാണ് ചൂണ്ടിക്കാട്ടിയതെന്നാണ് ഡി എം കെ പറയുന്നത്.
പ്രതികരിക്കാൻ ഇവിടെ എഴുതുക: