മലപ്പുറത്ത് നിയന്ത്രണം വിട്ട ടാങ്കർ ലോറി മറിഞ്ഞു; പ്രദേശത്ത് വൈദ്യുതി ബന്ധം വിച്ഛേദിച്ചു

മലപ്പുറം: പെരിന്തൽമണ്ണയിൽ നിയന്ത്രണം നഷ്ടപ്പെട്ട ടാങ്കർ ലോറി മറിഞ്ഞ് അപകടം. കൊച്ചിയിൽ നിന്നും പെട്രോളുമായി എത്തിയ ടാങ്കർ ലോറിയാണ്  മറിഞ്ഞത്. വാഹനത്തിനുള്ളിലുണ്ടായിരുന്ന ഡ്രൈവറായ കൃഷ്ണൻകുട്ടി,  ജിനു എന്നിവർ നിസാര പരിക്കുകളോടെ രക്ഷപ്പെട്ടു.

ഇന്നലെ രാത്രി പന്ത്രണ്ട് മണിയോടെയായിരുന്നു അപകടം. സംഭവത്തിന് പിന്നാലെ ഇതുവഴിയുള്ള ഗതാഗതത്തിന് നിയന്ത്രണം ഏർപ്പെടുത്തിയിരിക്കുകയാണ്. മുൻകരുതലിന്റെ ഭാഗമായി പ്രദേശത്ത് വൈദ്യുതി ബന്ധവും വിച്ഛേദിച്ചിട്ടുണ്ട്. ഫയർ ആൻഡ് റസ്‌ക്യൂ സംഘവും പോലീസ് ഉദ്യോഗസ്ഥരും സംഭവ സ്ഥലത്തെത്തിയിട്ടുണ്ട്.