തിരുവനന്തപുരം: കാട്ടാക്കടയില് ബന്ധുക്കള് ചേര്ന്ന് മധ്യവയസ്കനെ മര്ദിച്ചു കൊലപ്പെടുത്തി. പൂവച്ചല് പാറമുകള് സ്വദേശി ജലജന് ആണ് കൊല്ലപ്പെട്ടത്.
സഹോദരിയുടെ മകളുടെ ഭര്ത്താവും ബന്ധുക്കളും ചേര്ന്നാണ് ജലജനെ മര്ദ്ദിച്ചത്. സഹോദരിയുടെ മകളുടെ ഭര്ത്താവ് സുനില്, സുനിലിന്റെ സഹോദരന് സാബു എന്നിവരെ പൊലീസ് പിടികൂടി.
സ്ഥലവുമായി ബന്ധപ്പെട്ട തര്ക്കമാണ് കൊലപാതകത്തിന് കാരണമെന്നാണ് സൂചന. ഒരു മരണ വീട്ടില് പോയ ശേഷം പുറത്തിറങ്ങവെ സഹോദരിയുടെ മകളുടെ ഭര്ത്താവിനെയും അയാളുടെ സഹോദരനെയും കണ്ടുമുട്ടുകയും വാക്കുതര്ക്കമുണ്ടാവുകയുമായിരുന്നു.
ക്രൂരമായി മര്ദിച്ചതിന് ശേഷം കല്ലുപയോഗിച്ച് മുഖത്തിടിച്ചാണ് ജലജനെ ബന്ധുക്കള് കൊലപ്പെടുത്തിയത്.
