പത്തനംതിട്ട: ആറന്മുള ഉതൃട്ടാതി ജലമേളയ്‌ക്കിടെ മൂന്ന് പള്ളിയോടങ്ങള്‍ മറിഞ്ഞു. ഹീറ്റ്‌സ് മത്സരങ്ങള്‍ പുരോഗമിക്കവെയാണ് അപകടം . അഗ്നിശമന സേന ഉടന്‍ രംഗത്തിറങ്ങി രക്ഷാ പ്രവര്‍ത്തനത്തിലേര്‍പ്പെട്ടു.
എന്നാല്‍ മറിഞ്ഞ വന്മഴി പള്ളിയോടത്തിലെ തുഴച്ചില്‍കാര്‍ കരക്കെത്തിയ ശേഷം നാല് പേരെ കാണാനില്ലെന്ന് പറഞ്ഞത് ആശങ്ക പരത്തി. പിന്നാലെ നടത്തിയ തെരച്ചിലില്‍ നാല് പേരെയും കണ്ടെത്തി. വള്ളം മറിഞ്ഞയുടന്‍ നാല് പേരും മറുകരയിലേക്ക് നീന്തിക്കയറുകയായിരുന്നു.അപകടത്തില്‍ ആര്‍ക്കും പരിക്കില്ല.
നേരത്തേ പുറത്ത് നിന്നുള്ള തുഴച്ചില്‍കാരെ എത്തിച്ചുവെന്ന് ആരോപിച്ച് പള്ളിയോടങ്ങള്‍ തമ്മില്‍ പുഴയില്‍ വച്ച് വാക്കുതര്‍ക്കം ഉണ്ടായി. സംഘാടനത്തില്‍ വീഴ്ചയുണ്ടായെന്നും കുറ്റപ്പെടുത്തലുണ്ട്.
പ്രതികരിക്കാൻ ഇവിടെ എഴുതുക: