ചെന്നൈ: തമിഴ് സിനിമാ നടന്‍ ആര്‍.എസ് ശിവജി(66) അന്തരിച്ചു. ചെന്നൈയിലായിരുന്നു അന്ത്യം.
അപൂര്‍വ സഹോദരങ്ങള്‍, മൈക്കിള്‍ മദന കാമ രാജന്‍, അന്‍പേ സിവം, ഉന്നൈ പോല്‍ ഒരുവന്‍ തുടങ്ങി നിരവധി ചിത്രങ്ങളില്‍ വേഷമിട്ടിട്ടുണ്ട്.
സുരറൈ പോട്ര്, കോലമാവ് കോകില, ഗാര്‍ഗി തുടങ്ങി ഹിറ്റ് ചിത്രങ്ങളുടെയും ഭാഗമായി . കഴിഞ്ഞ വെള്ളിയാഴ്ച റിലീസായ യോഗി ബാബു കേന്ദ്ര കഥാപാത്രത്തിലെത്തിയ ‘ലക്കി മാനാണ്’ ഒടുവില്‍ പുറത്തിറങ്ങിയ ചിത്രം.
ആര്‍.എസ് ശിവജി സഹസംവിധായകനായും സൗണ്ട് ഡിസൈനറായും ലൈന്‍ പ്രൊഡ്യൂസറായും പ്രവര്‍ത്തിച്ചിട്ടുണ്ട് . പ്രമുഖ നടനും സംവിധായകനുമായ സന്താന ഭാരതി സഹോദരനാണ്. നടനും നിര്‍മാതാവുമായ എംആര്‍ സന്താനം ആണ് പിതാവ്.
പ്രതികരിക്കാൻ ഇവിടെ എഴുതുക: